Pawan Kalyan: రీమేక్ స్టోరీకి ఎండ్ కార్డ్ పడినట్లే!

పవర్ స్టార్ పవన్ కళ్యాణ్ వరుస సినిమాలను లైన్ లో పెట్టారు. అయితే పొలిటికల్ గా ఆయన బిజీ అవ్వడంతో ఒప్పుకున్న సినిమాలను ఎప్పుడు పూర్తి చేస్తారనే..? సందేహాలు కలుగుతున్నాయి. తనకున్న రాజకీయ కమిట్మెంట్స్ కారణంగా పవన్ కొన్ని సినిమాలను పక్కన పెడుతున్నారు. అందులో ‘వినోదయ సీతమ్’ రీమేక్ ఉన్నట్లు సమాచారం. నిజానికి ఈ ఏడాదిలోనే ఈ రీమేక్ ఫినిష్ చేయాలనుకున్నారు. దాని ప్రకారమే సింపుల్ గా సినిమాను లాంచ్ చేశారు.

సముద్రఖనిని దర్శకుడిగా ఫిక్స్ చేశారు. సాయిమాధవ్ బుర్రా డైలాగ్ వెర్షన్ కూడా పూర్తి చేశారు. సాయితేజ్ ను కీలకపాత్ర కోసం ఎంపిక చేసుకున్నారు. పవన్ షూటింగ్ కి ఓకే అంటే వెంటనే మొదలుపెట్టడానికి రెడీగా ఉన్నారు. కానీ పవన్ కళ్యాణ్ ఇప్పుడు ఈ ప్రాజెక్ట్ ను క్యాన్సిల్ చేసినట్లు తెలుస్తోంది. దానికి కారణం ఏంటి అనేది మాత్రం బయటకు రాలేదు. ఇప్పట్లో ఈ ప్రాజెక్ట్ సెట్ పైకి వెళ్లే ఛాన్స్ లేదని అంటున్నారు.

తన కోసం చాలా రోజుల నుంచి ఎదురుచూస్తోన్న దర్శకుడు హరీష్ శంకర్ తో సినిమా చేయాలనుకుంటున్నారు పవన్. దీనికి ‘భవదీయుడు భగత్ సింగ్’ అనే టైటిల్ ఫిక్స్ చేసిన సంగతి తెలిసిందే. త్వరలోనే ఈ సినిమా సెట్స్ పైకి వెళ్లనుంది. అలానే దర్శకుడు సుజీత్ తో కూడా పవన్ కళ్యాణ్ సినిమా చేయాలనుకుంటున్నారు. త్వరలోనే ఈ ప్రాజెక్ట్ కి సంబంధించిన విషయాలు బయటకు రానున్నాయి.

ప్రస్తుతం పవన్ కళ్యాణ్ ‘హరిహర వీరమల్లు’ అనే సినిమాలో నటిస్తున్నారు. హైదరాబాద్ రామోజీ ఫిలింసిటీలో షూటింగ్ జరుగుతోంది. వంద మంది జూనియర్ ఆర్టిస్ట్ లతో షూటింగ్ జరుపుతున్నారు. ఈ సినిమాను వచ్చే ఏడాదిలో విడుదల చేయాలనుకుంటున్నారు. పవన్ కళ్యాణ్ మరిన్ని ప్రాజెక్ట్స్ ఒప్పుకుంటున్నారు. కానీ వాటిని 2024 ఎన్నికల తరువాతే మొదలుపెట్టనున్నారు.

హిట్2 సినిమా రివ్యూ& రేటింగ్!
మట్టి కుస్తీ సినిమా రివ్యూ & రేటింగ్!

ఇట్లు మారేడుమిల్లి ప్రజానీకం సినిమా రివ్యూ & రేటింగ్!
డీజే టిల్లు టు మసూద ఈ ఏడాది ఎటువంటి అంచనాలు లేకుండా వచ్చి హిట్టు కొట్టిన సినిమాలు..!