పవన్ కి రూ.50 కోట్లు.. రానాకి రూ.5 కోట్లు!

December 22, 2020 / 08:49 AM ISTByFilmy Focus

Join Us

పవన్ కి రూ.50 కోట్లు.. రానాకి రూ.5 కోట్లు!

పవర్ స్టార్ పవన్ కళ్యాణ్ మలయాళం సినిమా ‘అయ్యప్పనుమ్ కోశియుమ్’ రీమేక్ లో నటించనున్న సంగతి తెలిసిందే. ఈ సినిమాలో రానా దగ్గుబాటి సెకండ్ హీరోగా కనిపించనున్నారు. సాగర్ చంద్ర డైరెక్ట్ చేస్తోన్న ఈ సినిమా పూజా కార్యక్రమాలు నేడు జరిగాయి. ఈ మల్టీస్టారర్ లో నటించడానికి ఈ ఇద్దరి హీరోలకు ఎంత ముట్టజెప్పారనేది ఆసక్తికరంగా మారింది. ‘బాహుబలి’ సినిమాను పక్కన పెడితే రానా నటించిన సినిమాలకు భారీ రేంజ్ లో మార్కెట్ జరగలేదు. కానీ పాన్ ఇండియా స్టార్ గా గుర్తింపు అయితే ఉంది.

కానీ ‘అయ్యప్పనుమ్ కోశియుమ్’ రీమేక్ పాన్ ఇండియా సినిమా కాదు. కాబట్టి ఈ సినిమా కేవలం తెలుగుకి మాత్రమే పరిమితమనే లెక్కల్లో రెమ్యునరేషన్ ఉంటుంది. అందుతున్న సమాచారం ప్రకారం ఈ సినిమా కోసం రానాకి రూ.5 కోట్ల రెమ్యునరేషన్ ఇచ్చినట్లు తెలుస్తోంది. నిజానికి రానా ఒక్కో సినిమాకి ఐదు కోట్లకు పైగానే రెమ్యునరేషన్ తీసుకుంటాడు. కానీ ఈ సినిమా వర్కింగ్ డేస్ చాలా తక్కువ కావడం వలన ఐదు కోట్ల రెమ్యునరేషన్ మాత్రమే తీసుకుంటున్నాడట.

ఇక పవన్ కళ్యాణ్ విషయానికొస్తే.. కాల్షీట్స్ తో సంబంధం లేకుండా రెమ్యునరేషన్ భారీగా ఇవ్వాల్సి ఉంటుంది. ప్రస్తుతం ఆయన నటిస్తోన్న సినిమాలన్నింటికీ కూడా రూ.50 కోట్లకు దగ్గరగా రెమ్యునరేషన్లు ఇస్తున్నారు. ఈ సినిమాకి అదే రేంజ్ లో ఇస్తున్నారని తెలుస్తోంది. ఈ సినిమా కోసం పవన్ ముప్పై రోజుల పాటు కాల్షీట్లు కేటాయించాల్సి వస్తుంది. సితార ఎంటర్టైన్మెంట్స్ బ్యానర్ పై తెరకెక్కుతోన్న ఈ సినిమా వచ్చే ఏడాది జూన్, జూలై నెలల్లో ప్రేక్షకుల ముందు రానుంది.