దువ్వాడ జగన్నాథం ఆడియో రిలీజ్ వేడుకకు ముఖ్య అతిథిగా పవన్ కళ్యాణ్

సరైనోడు సినిమా విజయోత్సవ వేడుకలో స్టయిలిష్ స్టార్ అల్లు అర్జున్  చెప్పిన “చెప్పను బ్రదర్” అనే మాట ఇప్పుడు అతనికి పెద్ద తలనొప్పిగా మారింది. ఆ మాటతో పవన్ కళ్యాణ్ ఫ్యాన్స్ కి కోపం తెప్పించిన బన్నీ.. దానిపై సరైన వివరణ ఇవ్వకపోవడం,  ట్విట్టర్లో పవన్ ని ఫాలో కాకపోవడం వంటివి మరింత ఆగ్రహానికి గురిచేసింది. దీంతో అల్లు అర్జున్ కి యాంటీ ఫ్యాన్స్ పెరిగిపోతున్నారు. ప్రస్తుతం బన్నీ హరీష్ శంకర్ దర్శకత్వంలో దువ్వాడ జగన్నాథం మూవీ చేస్తున్నారు. ఈ సినిమా టీజర్ మహా శివరాత్రికి రిలీజ్ అయి ఎక్కువ వ్యూస్ అందుకుంది. అయితే ఈ వీడియోకి  అత్యధిక డిస్ లైక్ లు కూడా వచ్చాయి.

ఈ విషయం అల్లు అరవింద్ ని కలవరపెట్టింది. ఈ వివాదం ఎంత వరకు వెళుతోందని కంగారుపడి అల్లు అరవింద్ రంగంలోకి దిగినట్లు సమాచారం. పవన్ కి బన్నీకి మధ్య విభేదాలు లేవని అభిమానులకు తెలియ చెప్పడానికి ఏర్పాట్లు చేస్తున్నట్లు తెలిసింది అందుకే దువ్వాడ జగన్నాథం ఆడియో వేడుకకు ముఖ్య అతిథిగా పవన్ కళ్యాణ్ ని ఆహ్వానించాలని భావిస్తున్నారు. పవన్ తో మాట్లాడించి ఈ గొడవకు ఫుల్ స్టాప్ పెట్టనున్నారు.

Also, do SUBSCRIBE to our YouTube channel to get latest Tollywood updates.