బుల్లితెరపై పవన్ సందడి చేయనున్నాడా..?

యాంకర్ గా టాప్ రేసులో దూసుకుపోతున్నాడు ప్రదీప్ మాచిరాజు. బుల్లితెరపై యాంకర్ సుమ తరువాత ఆ రేంజ్ గుర్తింపు సంపాదించుకుంది ప్రదీప్ అనే చెప్పాలి. తన కామెడీ టైమింగ్ తో, పంచ్ లతో అలరిస్తుంటాడు. యాంకరింగ్ తో పాటు ప్రదీప్ ఓ షోని హోస్ట్ కూడా చేస్తున్నాడు. అదే ‘కొంచెం టచ్ లో ఉంటే చెప్తా’. జీ తెలుగు ఛానెల్ లో ప్రసారమయ్యే ఈ షోకి ప్రదీప్ ప్రొడ్యూసర్ కూడా. ఇప్పటికే నాలుగు సీజన్లు పూర్తి చేసుకున్న ఈ షో ఐదో సీజన్ కోసం సిద్ధమవుతోంది.

అయితే ఈసారి తన షోకి పవన్ కళ్యాణ్ ను తీసుకురావడానికి ప్రయత్నిస్తున్నాడు ప్రదీప్. పవన్ కళ్యాణ్ ని ఈ షోకి తీసుకు రావడం కోసం చాలా కాలంగా ప్రయత్నాలు చేస్తున్నట్లు ప్రదీప్ చెప్పాడు. ఈ విషయానికి సంబంధించి ఇప్పటికే ఆయన్ని కలిసి మాట్లాడినట్లు ఓ ఇంటర్వ్యూలో చెప్పాడు. ప్రస్తుతం సినిమాలు, రాజకీయాలు అంటూ బిజీగా ఉన్న పవన్ సమయం చూసుకొని తన షోకి వస్తానని చెప్పిన విషయాన్ని ప్రదీప్ బయటపెట్టాడు. తన షోకి అదొక బిగ్గెస్ట్ ఎచీవ్మెంట్ అవుతుందని అన్నాడు.

త్వరలోనే పవన్ ని బుల్లితెర టీవీ షోలో చూడొచ్చని ప్రదీప్ చెప్పాడు. ఈ షో సీజన్ 3 సమయంలో కూడా పవన్ వస్తున్నట్లు ప్రదీప్ అన్నాడు కానీ అలా జరగలేదు. కనీసం ఈసారైనా పవన్ వస్తారేమో చూడాలి. ఇక యాంకర్ గా సత్తా చాటిన ప్రదీప్ రీసెంట్ గా ’30 రోజుల్లో ప్రేమించడం ఎలా..?’ సినిమాతో హీరోగా కూడా మారాడు. ఈ సినిమాకి మిశ్రమ స్పందన వచ్చినప్పటికీ.. కలెక్షన్స్ పరంగా మాత్రం దూసుకుపోతుంది.

Most Recommended Video

30 రోజుల్లో ప్రేమించటం ఎలా? సినిమా రివ్యూ & రేటింగ్!
‘జబర్దస్త్’ కమెడియన్ల రియల్ భార్యల ఫోటోలు వైరల్..!
హీరో, హీరోయిన్ల పెయిర్ మాత్రమే కాదు విలన్ ల పెయిర్ లు కూడా ఆకట్టుకున్న సినిమాలు ఇవే..!