“వై దిస్ కొలవెరి” అనే పాటతో సంచలనం సృష్టించిన మ్యూజిక్ డైరెక్టర్ అనిరుధ్.. తొలిసారి తెలుగు చిత్రానికి సంగీతమందిస్తున్నారు. పవర్ స్టార్ పవన్ కళ్యాణ్, త్రివిక్రమ్ కాంబినేషన్లో తెరకెక్కుతోన్న సినిమాని ట్యూన్స్ ఇస్తున్నారు. పవన్ ఇమేజ్ ని దృష్టిలో ఉంచుకొని సాంగ్స్ కంపోజ్ చేస్తున్నట్లు తెలిసింది. అంతేకాదు పవన్ సింగింగ్ ట్యాలెంట్ ని తెలుసుకున్న అనిరుద్.. పవన్ కోసం అద్భుతమైన ట్యూన్ ని సిద్ధం చేసినట్లు సమాచారం. ఆ పాటను పవన్ తో పాడించే పనిలో త్రివిక్రమ్ ఉన్నారు. గతంలో వీరిద్దరి కాంబినేషన్లో వచ్చిన అత్తారింటికి దారేదిలో “కాటమరాయుడా” సాంగ్ సూపర్ హిట్ సాధించింది.
ఆ మ్యాజిక్ ఇప్పుడు కూడా వర్కవుట్ అవుతుందని చిత్ర బృందం భావిస్తోంది. హారిక హాసిని క్రియేషన్స్ బ్యానర్లో రాధాకృష్ణ నిర్మిస్తున్న ఈ మూవీలో అను ఇమ్మానియేల్ , కీర్తి సురేష్ లు హీరోయిన్లుగా నటిస్తుండగా, అలనాటి హీరోయిన్ ఖుష్బూ కీలక పాత్రలో కనిపించనున్నారు. ప్రస్తుతం శంషాబాద్ పరిసరాల్లోని ఓ అందమైన భవనంలో షూటింగ్ జరుపుకుంటున్న ఈ మూవీ సంక్రాంతికి థియేటర్లోకి రానుంది.
Also, do SUBSCRIBE to our YouTube channel to get latest Tollywood updates.
