బెంగళూర్ వెళ్లనున్న పవన్ కళ్యాణ్

పవర్ స్టార్ పవన్ కళ్యాణ్ బెంగళూర్ కి వెళ్లడం కొత్త కాదు. వీలు కుదిరినప్పుడల్లా వెళ్లి అక్కడి జిమ్ లలో వ్యాయామం చేసి వస్తుంటారు. ఫిట్ నెస్ నిపుణులతో కలిసి వస్తుంటారు. అలాగే ఫ్యాన్స్ తో సమావేశ మవుతుంటారు. అయితే ఈసారి బెంగళూర్ కి వెళ్లడం స్పెషల్ అయింది. ఎందుకంటే సినిమా ప్రమోషన్లో పెద్దగా పాల్గొనని పవన్ కళ్యాణ్ అజ్ఞాతవాసి సినిమా కోసం ఓ మెట్టు దిగి.. సినిమాని చూడమని అభిమానులకు చెబుతున్నారు. ఆడియో రిలీజ్ వేడుకలోను ఈ విషయాన్నీ ప్రస్తావిస్తూ… అజ్ఞాతవాసి సినిమాకోసం అందరం బాగా కష్టపడ్డాం.. నచ్చుతుందని చెప్పారు. అలాగే బెంగళూర్ లోని తన అభిమానులను ప్రత్యేకంగా కలుసుకొని సినిమాకి ప్రచారం కల్పించనున్నారు. అక్కడ తెలుగు సినిమాలకు కలక్షన్స్ పెద్దగా లేకపోయినప్పటికీ.. ఫ్యాన్స్ కోసమే వెళుతున్నారు.

అంతేకాకుండా జనసేన పార్టీ ని ప్రజల్లోకి తీసుకెళ్లడంలో భాగంగా అక్కడి సాఫ్ట్ వేర్ ఉద్యోగులతో చర్చించనున్నారు. వారితో ఎక్కువగా పార్టీ వ్యవహారాల గురించి మాట్లాడనున్నట్లు తెలిసింది. ఎటువంటి ఎన్నికల వాగ్దానాలు ఇవ్వాలి? ఏ నినాదంతో ప్రజల్లోకి వెళితే బాగుంటుందనే విషయాలపై సలహాలు తీసుకోనున్నారు. పవన్ ని చూడాలని, తమ అభిప్రాయాలను పంచుకోవాలని అక్కడి అభిమానులు ఆత్రంగా ఎదురుచూస్తున్నారు. రేపు గాని, ఎల్లుండి గాని అధికారికంగా బెంగళూర్ లోని తమ ఫ్యాన్స్ ని పవన్ కలుసుకోనున్నట్లు టాక్.