నేటి నుంచి పవన్, త్రివిక్రమ్ సినిమా రెండో షెడ్యూల్

కాటమరాయుడు తర్వాత పవర్ స్టార్ పవన్ కళ్యాణ్ చేస్తున్న సినిమా వేగంగా షూటింగ్ జరుపుకుంటోంది.  మాటల మాంత్రికుడు త్రివిక్రమ్ శ్రీనివాస్ దర్శకత్వంలో సాఫ్ట్ వేర్ ఇంజినీర్ గా పవన్ నటిస్తున్న ఈ మూవీ మొదటి షెడ్యూల్ రామోజీ ఫిలిం సిటీలో గత వారం పూర్తి చేసుకుంది. అక్కడ వేసిన భారీ సెట్ లో హీరో పవన్, హీరోయిన్లు అను ఇమ్మానియేల్, కీర్తి సురేష్ లపై  కొన్ని సన్నివేశాలను చిత్రీకరించారు. సీనియర్ నటి ఖుష్బూపై కూడా కొన్ని సీన్లు కంప్లీట్ చేశారు. ఈ రోజు నుంచి అల్యూమినియం ఫ్యాక్టరీలో రెండో షెడ్యూల్ మొదలెట్టారు.

ఇక్కడ కొన్ని యాక్షన్ సీన్స్ తెరకెక్కించనున్నట్లు సమాచారం. హారిక హాసిని క్రియేషన్స్ బ్యానర్లో రాధాకృష్ణ నిర్మిస్తున్న ఈ చిత్రానికి దేవుడే దిగివచ్చినా.. అనే టైటిల్ ని పరిశీలిస్తున్నారు. జల్సా, అత్తారింటికి దారేది వంటి సూపర్ హిట్స్ ఇచ్చిన డైరక్టర్ త్రివిక్రమ్ శ్రీనివాస్ తో పవన్ కళ్యాణ్ చేస్తున్న మూడో  సినిమా కావడంతో దీనిపై భారీ అంచనాలున్నాయి.

Also, do SUBSCRIBE to our YouTube channel to get latest Tollywood updates.