పవన్, త్రివిక్రమ్ మూవీ పేరు ఇదేనా ?

డైరక్టర్ త్రివిక్రమ్ శ్రీనివాస్ తో పవర్ స్టార్ పవన్ కళ్యాణ్ చేస్తున్న సినిమా షూటింగ్ వేగంగా జరుగుతోంది. పవన్ సాఫ్ట్ వేర్ ఇంజినీర్ గా నటిస్తున్న ఈ మూవీలో హీరోయిన్లుగా అను ఇమ్మానియేల్, కీర్తి సురేష్ నటిస్తున్నారు. సీనియర్ నటి కుష్బూ కీలకరోల్ పోషిస్తోంది. విక్టరీ వెంకటేష్ గెస్ట్ రోల్ చేస్తున్న ఈ సినిమాకి  “దేవుడే దిగి వచ్చినా..”, పరదేశ ప్రయాణం” అనే అనే పేర్లు పరిశీలిస్తున్నట్లు కొన్ని రోజులుగా వార్తలు వస్తున్నాయి. తాజాగా పవన్ 25 చిత్రానికి  “రాజు వచ్చినాడు” అనే పేరు పెట్టినట్లు తెలిసింది.

ఈ మధ్య వరుసగా తెలుగు పేర్లను పెడుతున్న త్రివిక్రమ్ .. పవన్ మూవీకి కూడా తెలుగులోనే పేరు ఖరారు చేసినట్లు ఫిలిం నగర్ వాసులు చెప్పుకుంటున్నారు. ఈ టైటిల్ పై చిత్ర బృందం అధికారికంగా ప్రకటన చేయలేదు. హారిక హాసిని క్రియేషన్స్ బ్యానర్లో రాధాకృష్ణ నిర్మిస్తున్న ఈ మూవీని  సంక్రాంతికి రిలీజ్ చేయనున్నారు. జల్సా, అత్తారింటికి దారేది కాంబినేషన్లో వస్తున్న ఈ చిత్రంపై భారీ అంచనాలున్నాయి.

Also, do SUBSCRIBE to our YouTube channel to get latest Tollywood updates.