పవన్ – క్రిష్.. స్టోరీ లైన్ అదేనా..?

March 16, 2020 / 07:11 PM ISTByFilmy Focus

Join Us

పవర్ స్టార్ పవన్ కళ్యాణ్ తిరిగి సినిమాల్లోకి రీ ఎంట్రీ ఇవ్వబోతున్న సంగతి తెలిసిందే. వేణూ శ్రీరామ్ డైరెక్షన్లో ‘వకీల్ సాబ్’ చిత్రాన్ని చేస్తున్నాడు. ‘పింక్’ రీమేక్ గా తెరకెక్కబోతున్న ఈ చిత్రాన్ని దిల్ రాజు, బోణి కపూర్ లు సంయుక్తంగా నిర్మిస్తున్నారు. ఈ చిత్రంతో పాటు క్రిష్ డైరెక్షన్లో కూడా పవన్ ఓ చిత్రాన్ని చేయబోతున్నాడు. ఈ చిత్రానికి ‘విరూపాక్షి’ అనే టైటిల్ ను పరిశీలిస్తున్నారు. అయితే ఈ చిత్రం కథ… విశాల్ నటిస్తున్న ‘డిటెక్టివ్2’ కథను పోలి ఉంటుందనేది తాజా సమాచారం.

Pawan Kalyan Fans Fires on Dil Raju1

హీరో కోహినూర్ వజ్రాన్ని దొంగతనం చేసే నేపథ్యంతో ఈ రెండు చిత్రాలు తెరకెక్కుతున్నట్టు తెలుస్తుంది. అందుకు తగిన బలమైన ఎమోషన్ తో కూడుకున్న సన్నివేశాలు కూడా ఉంటాయట. అయితే పవన్ – క్రిష్ కాంబినేషన్లో తెరకెక్కుతోన్న చిత్రం పీరియాడిక్ డ్రామా అని గతంలో వార్తలు వచ్చాయి. ఇక విశాల్ చిత్రం అలా ఉంటుందా లేదా అనేదాని పై స్పష్టత లేదు. ‘డిటెక్టివ్’ ను తెరకెక్కించిన మిస్కిన్ ఈ చిత్రం సీక్వెల్ ను తెరకెక్కించాల్సి ఉంది. కానీ వీరిద్దరి మధ్య వివాదాలు చోటు చేసుకోవడంతో విశాల్ నే డైరెక్ట్ చేస్తున్నాడని తెలుస్తుంది. ఆ సమయంలోనే కథ గురించి బయట పెట్టాడు దర్శకుడు మిస్కిన్.