Pawan Kalyan: భీమ్లా నాయక్ కోసం పవన్ కు బదులు ముందుగా అనుకున్న హీరో ఎవరో తెలుసా?

October 17, 2022 / 12:37 PM ISTByFilmy Focus

Join Us

Pawan Kalyan: భీమ్లా నాయక్ కోసం పవన్ కు బదులు ముందుగా అనుకున్న హీరో ఎవరో తెలుసా?

పవర్ స్టార్ పవన్ కళ్యాణ్ రీ ఎంట్రీ తర్వాత నటించి బ్లాక్ బస్టర్ అందుకున్న సినిమాలలో భీమ్లా నాయక్ ఒకటి. మలయాళ సూపర్ హిట్ చిత్రం అయ్యప్పనుమ్ కోషియమ్ సినిమాకు రీమేక్‌గా తెరికెక్కిన భీమ్లా నాయక్ సినిమాని దర్శకుడు సాగర్ కే చంద్ర ఎంతో ప్రతిష్టాత్మకంగా ప్రేక్షకుల ముందుకు తీసుకు వచ్చారు.సితార ఎంటర్టైన్మెంట్ బ్యానర్ లో నిర్మాత సూర్యదేవరనాగ వంశీ ఈ చిత్రాన్ని ఎంతో ప్రతిష్టాత్మకంగా ప్రేక్షకుల ముందుకు తీసుకువచ్చారు.

ఇకపోతే ఈ సినిమా ఈ ఏడాది మొదట్లో ప్రేక్షకుల ముందుకు వచ్చి ఎంత మంచి విజయాన్ని సొంతం చేసుకుంది.ఈ సినిమాలో పవన్ కళ్యాణ్ ఒక పవర్ ఫుల్ పోలీస్ ఆఫీసర్ పాత్రలో నటించగా పవన్ కళ్యాణ్ కు విలన్ పాత్రలో రానా ఎంతో అద్భుతంగా నటించారు.అయితే తాజాగా ఈ సినిమాకు సంబంధించిన ఓ వార్త సోషల్ మీడియాలో వైరల్ గా మారింది. ఈ సినిమాలో ముందుగా అనుకున్న హీరో పవన్ కళ్యాణ్ కాదని తెలుస్తుంది.

బాలకృష్ణ వ్యాఖ్యాతగా అన్ స్టాపబుల్ కార్యక్రమాన్ని నిర్వహిస్తున్న విషయం మనకు తెలిసిందే. ఇక ఈ కార్యక్రమం ప్రస్తుతం రెండవ సీజన్ ప్రసారమవుతుంది. రెండవ సీజన్ లో మొదటి ఎపిసోడ్ కు నారా చంద్రబాబు నాయుడు ముఖ్య అతిథిగా హాజరుకాగా రెండవ ఎపిసోడ్లో పాల్గొనబోయే హీరోలు ఎవరు అనే విషయం గురించి ఆహా ప్రోమో విడుదల చేశారు. ఇందులో సిద్దు జొన్నలగడ్డ, విశ్వక్ కలిసి సందడి చేశారు. అలాగే ఈ కార్యక్రమానికి నిర్మాత సూర్యదేవరనాగ వంశీ కూడా హాజరైనట్టు తెలుస్తోంది.

ఈ క్రమంలోనే ఈ కార్యక్రమానికి అతిథిగా హాజరైనటువంటి నిర్మాత సూర్యదేవర నాగ వంశీని బాలకృష్ణ ప్రశ్నిస్తూ భీమ్లా నాయక్ సినిమాకి ఫస్ట్ అనుకున్న హీరో ఎవరు అంటూ ప్రశ్నించారు. అయితే నాగవంశీ చెప్పిన సమాధానాన్ని కట్ చేయడంతో ఈ ప్రశ్నపై తీవ్రస్థాయిలో ఆసక్తి నెలకొంది.అయితే ఈ సినిమా ప్రకటించిన సమయంలో పవన్ కళ్యాణ్ పాత్రలో ముందుగా బాలకృష్ణని అనుకున్నారని అప్పట్లో వార్తలు వచ్చాయి. మరి ఈ ప్రశ్నకు నిర్మాత ఎలాంటి సమాధానం చెబుతారనే విషయం తెలియాలంటే శుక్రవారం వరకు వేచి చూడాలి.