Pawan Kalyan: ‘హరి హర వీరమల్లు’ కి పవన్ కళ్యాణ్ ఫస్ట్ ఛాయిస్ కాదట..!

పవర్ స్టార్ పవన్ కళ్యాణ్ హీరోగా క్రిష్ జాగర్లమూడి డైరెక్షన్లో ‘హరి హర వీరమల్లు’ అనే చిత్రం తెరకెక్కుతున్న సంగతి తెలిసిందే. ఏ.ఎం.రత్నం నిర్మిస్తున్న ఈ పాన్ ఇండియా మూవీకి కీరవాణి సంగీతం అందిస్తున్నారు. నిధి అగర్వాల్ హీరోయిన్ కాగా ‘సాహో’ ఫేమ్ జాక్వెలిన్ ఫెర్నాండెజ్ ఓ కీలక పాత్ర పోషిస్తుంది. కోహినూర్ డైమండ్ చుట్టూ ఈ చిత్రం కథ తిరుగుతుందని గతంలో చాలా వార్తలు వచ్చాయి. ఎంతో ప్రెస్టీజియస్ గా ఈ చిత్రాన్ని రూపొందిస్తున్నారు దర్శకనిర్మాతలు. ఇక ఈ మూవీ కోసం పవన్ కళ్యాణ్ వర్కౌట్లు చేసి వెయిట్ కూడా తగ్గాడు.

ఇదిలా ఉండగా.. ‘హరి హర వీరమల్లు’ చిత్రానికి పవన్ కళ్యాణ్ ఫస్ట్ ఛాయిస్ కాదట. ఓ స్టార్ హీరో రిజెక్ట్ చేస్తే పవన్ కళ్యాణ్ వచ్చి చేరినట్టు తెలుస్తుంది. వివరాల్లోకి వెళితే.. ఈ చిత్రం కథని మొదట మహేష్ బాబుకి చెప్పాడట దర్శకుడు క్రిష్. అది కూడా 2012 లోనే మహేష్ కు క్రిష్ చెప్పడం జరిగిందట. ఈ చిత్రం కోసం ‘శివమ్’ అనే టైటిల్ ను కూడా అనుకున్నారు. బాలీవుడ్ స్టార్ హీరోయిన్ సోనాక్షి సిన్హాను ఈ చిత్రం ద్వారా టాలీవుడ్ కు పరిచయం చేయాలని ప్లాన్ చేశారు దర్శక నిర్మాతలు.

మహేష్ బాబు ‘1 నేనొక్కడినే’ ‘ఆగడు’ చిత్రాలు పూర్తయ్యాక ఈ ప్రాజెక్టు చేద్దాం అని క్రిష్ కు చెప్పాడట మహేష్. కానీ అవి రెండు నిరాశపరచడంతో ప్రయోగాలు ఎందుకని భావించి.. కొరటాల శివతో ‘శ్రీమంతుడు’ చేశాడు మహేష్. అయితే ‘కంచె’ తర్వాత కూడా ఈ మూవీ చేయాలని మహేష్ అనుకున్నప్పటికీ పరిస్థితులు అనుకూలించలేదు. దాంతో ‘శివమ్’ టైటిల్ ను రామ్ సినిమాకి ఇచ్చేసారట.ఇక అదే కథని క్రిష్ ఇన్నేళ్ళ తర్వాత పవన్ తో చేస్తున్నట్లు స్పష్టమవుతుంది.

Most Recommended Video

ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!