త్రివిక్రమ్ తర్వాత యువ దర్శకుడితో పనిచేయనున్న పవన్ కళ్యాణ్

స్టార్ హీరో అయినప్పటికీ పవన్ కళ్యాణ్ స్టార్ డైరక్టర్లతోనే చేయాలనీ గిరి గీసుకుని కూర్చోరు. కథ నచ్చితే కొత్త దర్శకులతో నటించడానికి వెనుకాడరు. ముఖ్యంగా యువ దర్శకులతో పనిచేయడానికి ఇష్టపడుతుంటారు. గతంలో పూరి జగన్నాథ్, హరీష్ శంకర్ కి ఇచ్చినట్లే ఇప్పుడు మరో యంగ్ డైరక్టర్ కి ఛాన్స్ ఇచ్చారు. ప్రస్తుతం డాలీ దర్శకత్వంలో పవన్ నటించిన కాటమరాయుడు రిలీజ్ కి సిద్ధంగా ఉంది. మరో మూడు రోజుల్లో (ఈ నెల 24 ) థియేటర్లలో సందడి చేయనుంది. దీని తర్వాత త్రివిక్రమ్ దర్శకత్వంలో పవన్ సినిమా చేస్తున్నారు. హారిక హాసిని బ్యానర్ లో రూపొందే ఈ సినిమా ఏప్రిల్ మూడవ తేదీ నుంచి రెగ్యులర్ షూటింగ్ జరుపుకోనుంది.

ఈ సినిమా తర్వాత సంతోష్ శ్రీనివాస్ దర్శకత్వంలో నటించడానికి గ్రీన్ సిగ్నల్ ఇచ్చినట్లు తెలిసింది. ‘కందిరీగ’, ‘రభస’, ‘హైపర్‌’ చిత్రాలతో మాస్‌ని మెప్పించిన సంతోష్ పవన్ కోసం ఊర మాస్ కథని రెడీ చేసినట్లు సమాచారం. మైత్రీ మూవీస్‌ నిర్మించనున్న ఈ మూవీ వివరాలు అధికారికంగా త్వరలో ప్రకటించనున్నారు.

Also, do SUBSCRIBE to our YouTube channel to get latest Tollywood updates.