పవన్, త్రివిక్రమ్ ల ‘అజ్ఞాతవాసి’ ఇన్ సైడ్ టాక్ !

పవర్ స్టార్ పవన్ కళ్యాణ్, మాటల మాంత్రికుడు త్రివిక్రమ్ శ్రీనివాస్ కాంబినేషన్లో వచ్చిన జల్సా,  అత్తారింటికి దారేది సినిమాలు మంచి విజయాన్ని సాధించాయి. ఈ కాంబినేషన్లో రూపుదిద్దుకున్న మూడో సినిమా అజ్ఞాతవాసి. ఇది పవన్ కి 25 వ చిత్రం. అందుకే మొదటి నుంచి ఈ చిత్రంపై ఆసక్తి నెలకొని ఉంది. సంగీతదర్శకుడు అనిరుధ్ స్వరపరిచిన రెండు పాటలు రిలీజ్ అయి విశేషంగా ఆకట్టుకుంటున్నాయి. ఈ నెల 16వ తేదీన చిత్ర టీజర్ ను రిలీజ్ చేయనున్నట్లు నిర్మాణ సంస్థ ప్రకటించింది. ఈ టీజర్ రికార్డులు నెలకొల్పడం ఖాయమని సినీ విశ్లేషకులు అంచనా వేస్తున్నారు. టీజర్ కంటే ముందే సినిమా ఎలా ఉందో బయటికి వచ్చింది.

డబ్బింగ్, రీరికార్డింగ్ జరుపుకొని డీఐ దశలో ఉన్న ఈ సినిమా ఔట్ ఫుట్ చాలా బాగా వచ్చిందని,  పవన్ అభిమానులను, ప్రేక్షకులను మెప్పించి, తొలిరోజే సూపర్ హిట్ టాక్ ను తెచ్చుకుంటుందని ఫిలిం నగర్ వాసులు చెబుతున్నారు. సాధారణంగా పవన్ సినిమా కాస్త బాగుంది అంటే చాలు బాక్సాఫీస్ వద్ద కలెక్షన్ల వర్షం కురిపిస్తుంది. అలాంటిది మొదటిరోజే సూపర్ హిట్ టాక్ వస్తే అనేక రికార్డులను బద్దలు కొట్టడం ఖాయం. హారిక అండ్ హాసిని బ్యానర్లో రాధాకృష్ణ నిర్మిస్తున్న ఈ సినిమా సంక్రాంతిని పురస్కరించుకొని జనవరి 10 న థియేటర్లోకి రానుంది.