‘ఫ్యాక్షన్’ కధతో వస్తున్న పవన్

తమిళ చిత్ర పరిశ్రమలో ఎంతమంది హీరోలు ఉన్నా తల అజిత్ ను మించిన హీరో ఎవ్వర్రూ లేరు అన్నంతగా అజిత్ తన ప్రస్థానాన్ని కొనసాగిస్తున్నాడు. దాదాపుగా తమిళంలో రజినికాంత్ తరువాత మంచి మార్కెట్, ఫ్యాన్ ఫాలోయింగ్ ఉన్న హీరో ఎవరైనా ఉన్నారా అంటే ఆది అజిత్ మాత్రమే అని చెప్పొచ్చు. ఇదిలా ఉంటే ఇప్పుడు మన టాలీవుడ్ పవర్ స్టార్ పవన్ కల్యాణ్ అజిత్ ను ఫాలో అవుతున్నాడు అన్న వార్తలు బలంగా వినిపిస్తున్నాయి. వివరాల్ళోకి వెళితే..తాజాగా విడుదలయిన పవన్ కల్యాణ్ గబ్బర్ సింగ్ భారీ డిజాస్టర్ గా నిలవడంతో పవన్ తన తరువాత సినిమాలో ప్రత్యేకమైన గెటప్ లో కనిపించేందుకు సిద్దంగా ఉన్నాడు.

అదే క్రమ్మలో పవన్ ఇప్పుడు చేస్తున్న సినిమా తమిళంలో అజిత్ నటించిన ‘వీరమ్’ కావడం, అందులో అజిత్ గెటప్ కు పవన్ ఫిదా కావడంతో పవన్ సైతం అలానే కనిపించేందుకు రెడీ అవుతున్నాడు. ఇక మరో పక్క ఈ సినిమా ఫ్యాక్షన్ బ్యాక్ డ్రాప్ నేపధ్యం ఉన్న సినిమా కావడంతో, ఈసినిమాలో పవన్ తన రియల్ ఏజ్ కి దగ్గరగా ఉండేలా హాఫ్ వైట్ హెయిర్ తోనే కనిపిస్తాడు అని టాక్. ఇక ఈ సినిమా దర్శకుడు తమిళ దర్శకుడు కావడంతో, అతనికి అజిత్ తో మంచి సాన్నిహిత్యం ఉండడంతో అజిత్ సలహాలతో పవన్ ను ఎస్.జె సూర్య తీర్చిదిద్దుతున్నాడు అని తెలుస్తుంది. ఇక ఈవార్తలను బట్టి చూస్తే తెలుగులో ఇలా రియల్ లుక్ తో తొలి  హీరోగా పవన్ ట్రెండ్ సెట్ చేయబోతున్నాడు అనుకోవాలి. మరి ఈ సినిమా ఎలాంటి ప్రభంజనానికి శ్రీకారం చుడుతుందో చూడాలి.