Pawan Kalyan: పవన్ సినిమా చెప్పిన టైంకి రాదా..?

పవర్ స్టార్ పవన్ కళ్యాణ్ రీఎంట్రీ ఇచ్చిన తరువాత రెండు సినిమాలు చేశారు. ఒకటి ‘వకీల్ సాబ్’, మరొకటి ‘భీమ్లానాయక్’. ఈ రెండూ కూడా రీమేక్ సినిమాలే. అయితే వాటితో పోలిస్తే పవన్ అభిమానులు ఎక్కువగా చూడాలని ఆశపడుతున్న సినిమా ‘హరిహర వీరమల్లు’ అనే చెప్పాలి. ఎందుకంటే ఆ సినిమాను డైరెక్ట్ చేస్తున్నది క్రిష్ లాంటి టాలెంటెడ్ డైరెక్టర్. పైగా పవన్ కళ్యాణ్ కెరీర్ లో ఇప్పటివరకు చేయని ఒక పీరియాడికల్, హిస్టారికల్ సినిమా అది.

ఈ సినిమా టీజర్ విడుదలైన తరువాత సినిమాపై బజ్ మరింత పెరిగింది. పవన్ రేంజ్ కి తగ్గ సినిమా అవుతుందని అభిమానులు ఆశిస్తున్నారు. కాకపోతే ఈ సినిమా షూటింగ్ ఆలస్యమవుతూ వస్తోంది. దాదాపు రెండేళ్ల నుంచి మేకింగ్ దశలో ఉన్న ‘హరిహర వీరమల్లు’ సినిమా షూటింగ్ ఇంకా పూర్తి కాలేదు. అయితే ఈ మధ్యకాలంలో పవన్ కళ్యాణ్ ఈ సినిమా షూటింగ్ కోసం ఎక్కువ డేట్లు కేటాయించారు. గ్యాప్ ఇవ్వకుండా షూటింగ్ లో పాల్గొంటున్నారు.

సినిమాకి సంబంధించిన కొన్ని కీలక సన్నివేశాలను చిత్రీకరించేశారు. దీంతో టీమ్ తో పాటు ఫ్యాన్స్ లో కూడా ఉత్సాహం వచ్చింది. ఈసారి సినిమా చెప్పినట్లుగానే ఏప్రిల్ 30న రిలీజ్ అవ్వడం ఖాయమని అనుకున్నారు. కానీ తాజా సమాచారం ప్రకారం.. ఈ సినిమా చెప్పిన టైంకి వచ్చే ఛాన్స్ లేదని టాక్. షూటింగ్ చివరి దశకు చేరుకున్నప్పటికీ.. పోస్ట్ ప్రొడక్షన్ పనులకు చాలా సమయం పట్టేలా ఉంది.

వాటి విషయంలో రాజీ పడితే బెటర్ ఔట్ పుట్ ఇవ్వలేమని భావించిన చిత్రబృందం సినిమాను వాయిదా వేయాలని నిర్ణయించుకుందట. అనుకున్న సమయానికి అన్నీ పూర్తయితే వేసవి చివర్లో రిలీజ్ చేస్తారు. లేదంటే మాత్రం ఆగస్టుకి సినిమాను షెడ్యూల్ చేయాలనుకుంటున్నారు. త్వరలోనే ఈ విషయంపై అధికార ప్రకారం రానుంది. ఇక ఈ సినిమాలో పవన్ కళ్యాణ్ సరసన నిధి అగర్వాల్ హీరోయిన్ గా నటించింది.

వీరసింహారెడ్డి సినిమా రివ్యూ & రేటింగ్!
వాల్తేరు వీరయ్య సినిమా రివ్యూ & రేటింగ్!

‘ఆంధ్రావాలా’ టు ‘అజ్ఞాతవాసి’ .. సంక్రాంతి సీజన్లో మర్చిపోలేని డిజాస్టర్ గా సినిమాల లిస్ట్..!
తలా Vs దళపతి : తగ్గేదేలే సినిమా యుద్ధం – ఎవరిది పై చేయి?