పవర్ స్టార్ పవన్ కళ్యాణ్ ఈ మధ్యనే ‘బ్రో’ సినిమాతో ప్రేక్షకుల ముందుకు వచ్చారు. సాయి ధరమ్ తేజ్ ఈ సినిమాలో మెయిన్ రోల్ పోషించగా.. పవన్ కళ్యాణ్, టైంకి రూపమంటూ ఉంటే ఎలా ఉంటుందో అలా కనిపించారు. ఆయన పోషించిన టైటాన్ పాత్ర.. అభిమానులను అమితంగా ఆకట్టుకుంది. ఇక పవన్ కళ్యాణ్ చేస్తున్న వరుస సినిమాల్లో ‘ఓజీ’ ఒకటి. ప్రభాస్ తో ‘సాహో’ వంటి భారీ బడ్జెట్ చిత్రాన్ని తెరకెక్కించిన దర్శకుడు సుజిత్ తెరకెక్కిస్తున్న సినిమా ఇది.
ప్రియాంక అరుల్ మోహన్ హీరోయిన్ గా నటిస్తున్న ఈ చిత్రానికి ‘ఆర్.ఆర్.ఆర్’ ఫేమ్ డీవీవీ దానయ్య నిర్మాత. ‘ఓజీ’ షూటింగ్ శరవేగంగా జరుగుతుంది. పవన్ కళ్యాణ్ కి సుజీత్.. డై హార్డ్ ఫ్యాన్ అనే సంగతి తెలిసిందే. ‘గబ్బర్ సింగ్’ సినిమా పబ్లిక్ టాక్ లో కూడా అతని ఫానిజాన్ని చూపించాడు. ‘మరి అభిమాని దర్శకుడైతే.. పవన్ ను ఏ రేంజ్లో చూపిస్తాడు?’ అనే ఆసక్తి అందరిలోనూ ఉంది. ‘ఓజి’ (OG Movie) అంటే ఒరిజినల్ గ్యాంగ్స్టర్ అని ఎప్పుడో రివీల్ చేశారు.
ముంబై బ్యాక్ డ్రాప్లో నడిచే కథతో రూపొందుతున్న సినిమా ఇది. సెప్టెంబర్ 2న పవన్ కళ్యాణ్ పుట్టినరోజు సందర్భంగా ‘ఓజీ’ కి సంబంధించిన ఓ చిన్న గ్లింప్స్ రిలీజ్ కానుంది. ‘ఫైర్ స్టార్మ్ ఈజ్ కమింగ్’ అంటూ తాజాగా చిత్రబృందం ఈ విషయాన్ని ధృవీకరించిన సంగతి తెలిసిందే. ఈ గ్లింప్స్ అభిమానులకి గూజ్ బంప్స్ తెప్పించే విధంగా ఉంటుందని ఇన్సైడ్ టాక్. సంగీత దర్శకుడు తమన్ ఈ గ్లింప్స్ అందించిన బిజీయం స్పెషల్ అట్రాక్షన్ గా నిలుస్తుందట.
జైలర్ సినిమా రివ్యూ & రేటింగ్!
భోళా శంకర్ సినిమా రివ్యూ & రేటింగ్!
‘భోళా శంకర్’ తో పాటు సిస్టర్ సెంటిమెంట్ తో రూపొందిన సినిమాల లిస్ట్..!
