జనసేన అధినేత, పవర్ స్టార్ పవన్ కళ్యాణ్ ప్రస్తుతం వరుసగా క్రేజీ ప్రాజెక్ట్ లతో బిజీగా ఉండగా ఏపీ ఎన్నికల వల్ల పవన్ సినిమాల షూటింగ్ లు వాయిదా పడ్డాయి. పవన్ సుజీత్ కాంబినేషన్ లో తెరకెక్కుతున్న ఓజీ మూవీ సెప్టెంబర్ నెల 27వ తేదీన రిలీజ్ డేట్ ను ఫిక్స్ చేసుకుంది. సెంటిమెంట్ ప్రకారం ఆ డేట్ అత్తారింటికి దారేది డేట్ కావడంతో ఓజీ కూడా ఆ సినిమాలా చరిత్ర సృష్టిస్తుందని ఫ్యాన్స్ ఫీలవుతున్నారు.
అయితే ఐఎండీబీలో ఓజీ మూవీ స్టోరీ లైన్ ఇదేనంటూ ఒక స్టోరీ లైన్ వైరల్ అవుతోంది. వైరల్ అవుతున్న వార్తల ప్రకారం ఈ సినిమాలో పవన్ కళ్యాణ్ ఓజాస్ గంభీర అనే రోల్ లో కనిపించనున్నారు. ముంబై నగరంలో పది సంవత్సరాల క్రితం ఓజాస్ గంభీర అనే గ్యాంగ్ స్టర్ ఉండగా అతని దగ్గర ఎన్నో గ్యాంగ్స్ ఉండేవి. ఆ గ్రూప్స్ అన్నింటికీ ఓజాస్ గంభీర గ్యాంగ్ లీడర్ గా వ్యవహరించేవారు.
అయితే కొన్ని కారణాల వల్ల ముంబైకు దూరమైన ఓజాస్ గంభీర పదేళ్ల తర్వాత రీఎంట్రీ ఇస్తాడు. ఓజాస్ గంభీర పదేళ్ల తర్వాత రీఎంట్రీ ఇవ్వడానికి కారణాలేంటి? తన శత్రువులపై ఓజాస్ ప్రతీకారం ఏ విధంగా తీర్చుకున్నాడు? ఆ పదేళ్ల పాటు ఓజాస్ ఏం చేశాడు? అనే ప్రశ్నలకు సమాధానమే ఈ కథ. ఓజీ మూవీ అత్యంత భారీ బడ్జెట్ తో తెరకెక్కుతుండగా త్వరలో ఈ సినిమా నుంచి మరిన్ని అప్ డేట్స్ వచ్చే ఛాన్స్ అయితే ఉంది.
ఓజీ సినిమాలో (OG Movie) పవన్ లుక్ కూడా నెక్స్ట్ లెవెల్ లో ఉంటుందని తెలుస్తోంది. పవన్ కళ్యాణ్ ఈ సినిమాలో స్టైలిష్ గా కనిపించనున్నారని భోగట్టా. ఓజీ సినిమాలో యాక్షన్ సీన్స్ సైతం స్టైలిష్ గా ఉండనున్నాయని తెలుస్తోంది. ఈ ఏడాది విడుదల కానున్న భారీ సినిమాలలో ఓజీ ఒకటి కాగా పాన్ ఇండియా మూవీగా ఈ సినిమాను రిలీజ్ చేయాలని ఫ్యాన్స్ నుంచి కామెంట్లు వ్యక్తమవుతున్నాయి.
ఊరిపేరు భైరవ కోన సినిమా రివ్యూ & రేటింగ్!
‘దయా గాడి దండయాత్ర’ కి 9 ఏళ్ళు!
ఈ వీకెండ్ కి ఓటీటీలో సందడి చేయబోతున్న సినిమాలు/సిరీస్..ల లిస్ట్..!
Home