రీఎంట్రీలో పవర్ స్టార్ పవన్ కళ్యాణ్ వరుస సినిమాలను లైన్లో పెడుతోన్న సంగతి తెలిసిందే. ఇప్పటికే ‘వకీల్ సాబ్’ సినిమా షూటింగ్ ను పూర్తి చేశారు. మలయాళం హిట్ అయిన ‘అయ్యప్పనుమ్ కోషియుమ్’ సినిమాను తెలుగులో రీమేక్ చేయడానికి సన్నాహాలు చేస్తున్నారు. ఒరిజినల్ వెర్షన్ లో బిజు మీనన్, పృథ్వీ రాజ్ లు పోషించిన పాత్రలను తెలుగులో పవన్ కళ్యాణ్, రానా దగ్గుబాటిలు పోషించనున్నారు. ఇప్పటికే దర్శకుడు త్రివిక్రమ్ ఈ స్క్రిప్ట్ లో తగిన మార్పులు చేసినట్లు తెలుస్తోంది.
కాగా.. పవన్ కళ్యాణ్ స్వయంగా ఈ సినిమాకి స్క్రీన్ ప్లే అందించబోతున్నట్లు సమాచారం. తెలుగు ప్రేక్షకుల అభిరుచులను పరిగణలోకి తీసుకొని మరింత గ్రిప్పింగ్ గా స్క్రీన్ ప్లే ఉండేలా ప్లాన్ చేస్తున్నారు. గతంలో కూడా పవన్ కళ్యాణ్ తన సినిమాలకు సంబంధించి స్క్రిప్ట్, స్క్రీన్ ప్లే వంటి పనుల్లో ఇన్వాల్వ్ అయ్యారు. ఇప్పుడు మరోసారి ఈ సినిమాలో హీరోగా నటించడంతో పాటు స్క్రీన్ ప్లే కోసం పని చేస్తున్నారు. సాగర్ చంద్ర డైరెక్ట్ చేస్తోన్న ఈ సినిమాలో రానా భార్య పాత్రలో ఐశ్వర్య రాజేష్ నటిస్తుండగా..
పవన్ భార్యగా ఏ హీరోయిన్ ని తీసుకోవాలా..? అని వెతుకులాట మొదలుపెట్టారు. ముందుగా సాయిపల్లవిని తీసుకోవాలని అనుకున్నారు కానీ ఆమె రెమ్యునరేషన్ ఎక్కువ అడిగిందనే కారణంతో పక్కన పెట్టేశారు. ఇక కథలో మరో ముఖ్య పాత్రలో సముద్రఖని కనిపించనున్నారు. ఈ సినిమాపై ప్రేక్షకుల్లో భారీ అంచనాలు నెలకొన్నాయి. మరికొన్ని రోజుల్లో సినిమా సెట్స్ పైకి వెళ్లనుంది.
Most Recommended Video
క్రాక్ సినిమా రివ్యూ & రేటింగ్!
ఈ 10 మంది సినీ సెలబ్రిటీలకు తల్లులు వేరైనా తండ్రులు ఒకరే..!
అల్లు అర్జున్ నుండి నాగ చైతన్య వరకు.. అందమైన స్టార్ కాపుల్స్.. సతీమణులే స్పెషల్ ఎట్రాక్షన్!
Home