పవన్ కళ్యాణ్ పరిశ్రమలోకి వచ్చి ఇరవై ఏళ్ళు అవుతున్నా చేసింది 23 సినిమాలే. ఇంతటి పాపులారిటీ ఉన్న పవన్ సినిమాల సంఖ్య చూస్తే ఎవరికైనా ఆశ్చర్యం కలుగకమానదు. అయితే మునుపెన్నడూ లేనంతగా స్పీడ్ పెంచిన పవర్ స్టార్ మూడు సినిమాలకు గ్రీన్ సిగ్నల్ ఇచ్చారు. వాటిలో ‘కాటమరాయుడు’ సినిమా షూటింగ్ దశలో ఉండగా, ఆర్.టి.నేసన్ దర్శకత్వం వహించనున్న దసరా నాడు పూజా కార్యక్రమాలు జరుపుకుంది. తాజాగా త్రివిక్రమ్ తో చేయనున్న సినిమాకి సైతం ముహూర్తం ఖరారు అయిందట.
జల్సా, అత్తారింటికి దారేది సినిమాలతో టాలీవుడ్ లో క్రేజీ కాంబినేషన్ గా మారిపోయిన పవన్-త్రివిక్రమ్ కలయికలో మరో సినిమా రానుందంటూ ఇటీవల అధికారిక ప్రకటన వెలువడిన సంగతి తెలిసిందే. అయితే ఈ సినిమా ఎప్పుడు మొదలవుతుందన్న విషయంపై ఇప్పుడు క్లారిటీ వచ్చింది. నవంబర్ 5న ఈ సినిమా పూజ కార్యక్రమాలు జరుగనున్నాయట. ఈ సినిమా టైటిల్ గా ప్రచారంలో ఉన్న ‘దేవుడే దిగివచ్చినా’ అన్నది పూర్తిగా అవాస్తవమని చిత్ర వర్గాలు తెలిపాయి. హారిక అండ్ హాసిని క్రియేషన్స్ బ్యానర్ పై చినబాబు నిర్మించనున్న ఈ సినిమా రెగ్యులర్ షూటింగ్ జనవరిలో మొదలవనున్నట్టు సమాచారం.
Home