మాటల మాంత్రికుడు త్రివిక్రమ్ శ్రీనివాస్ తో పవర్ స్టార్ పవన్ కళ్యాణ్ చేస్తున్న సినిమా ప్రస్తుతం రామోజీ ఫిలిం సిటీలో వేసిన భారీ సెట్ లో చిత్రీకరణ జరుపుకుంటోంది. మొదట హీరో పవన్, హీరోయిన్లు అను ఇమ్మానియేల్ , కీర్తి సురేష్ లపై కొన్ని సరదా సన్నివేశాలను షూట్ చేసిన త్రివిక్రమ్, ఇప్పుడు యాక్షన్ సీన్ తెరకెక్కిస్తున్నారు. హారిక హాసిని క్రియేషన్స్ బ్యానర్లో రాధాకృష్ణ నిర్మిస్తున్న ఈ చిత్రంలో కుష్బూ కీలక రోల్ పోషిస్తోంది. పవన్ సాఫ్ట్ వేర్ ఇంజినీర్ గా నటిస్తున్న ఈ చిత్రం ఇప్పటికే 60 శాతం షూటింగ్ పూర్తి చేసుకుంది. ఎండలను సైతం షూటింగ్ చేసిన త్రివిక్రమ్.. ఇప్పుడు షూటింగ్ కి రెండు వారాలు బ్రేక్ ఇస్తున్నట్లు తెలిసింది.
దీనికి కారణం ఈ సినిమా విడుదలను సెప్టెంబర్ నుంచి వచ్చే జనవరికి వాయిదా వేయడమే. సెప్టెంబర్ లో జై లవకుశ, రిలీజ్ కి మరో ఐదునెలల గ్యాప్ ఉండడంతో హడావుడి పడడం ఎందుకని డైరక్టర్ ఈ నిర్ణయం తీసుకున్నట్లు తెలిసింది. ఈ బ్రేక్ లో సొంతంగా నిర్మించే సినిమాతో త్రివిక్రమ్, పవన్ బిజీ కానున్నారు. అంతేకాకుండా ఈ గ్యాప్‌లో తన ‘జనసేన’కు సంబంధించిన కొన్ని కార్యక్రమాలు పవన్ చేపడతారని ఫిలిం నగర్ వాసులు చెప్పుకుంటున్నారు.
Also, do SUBSCRIBE to our YouTube channel to get latest Tollywood updates.
