పాటల కోసం బల్గేరియాకి వెళ్లనున్న పవన్, త్రివిక్రమ్ టీమ్

డైరక్టర్ త్రివిక్రమ్ శ్రీనివాస్ తో పవర్ స్టార్ పవన్ కళ్యాణ్ చేస్తున్న మూడవ సినిమా షూటింగ్ వేగంగా జరుగుతోంది. మొదటి షెడ్యూల్ రామోజీ ఫిలిం సిటీలో వేసిన భారీ సెట్ లో పవన్, హీరోయిన్లు అను ఇమ్మానియేల్ , కీర్తి సురేష్ లపై సాగింది. ఆ తర్వాత యాక్షన్ సీన్స్, మొన్న అమీర్ పేట్ లోని సారధి స్టూడియోలో పవన్, వెంకటేష్ లపై సరదా సన్నివేశాన్ని తెరకెక్కించారు. ఇప్పుడు శంషాబాద్ దగ్గర ఓ ఇంటిలో షూటింగ్ కి త్రివిక్రమ్ సిద్ధమవుతున్నారు. రెండు రోజుల్లో ప్రారంభం కానున్న ఈ షెడ్యూల్ తో దాదాపు 60 శాతం టాకీ పార్ట్ పూర్తవుతుంది. దీని తర్వాత పాటల కోసం బల్గేరియాకు చిత్ర బృందం వెళ్లనున్నట్లు తెలిసింది.

అక్కడ అందమైన లొకేషన్లో రెండు పాటలను చిత్రీకరించనున్నారు. పవన్ కి తగినట్టుగా కొత్తరకం బాణీలతో అనిరుద్ సాంగ్స్ కంపోజ్ చేశారట. హారిక హాసిని క్రియేషన్స్ బ్యానర్లో రాధాకృష్ణ నిర్మిస్తున్న ఈ మూవీలో అలనాటి హీరోయిన్స్  కుష్బూ, ఇంద్రజ కీలక పాత్రలు పోషిస్తున్నారు. జల్సా, అత్తారింటికి దారేది వంటి సూపర్ హిట్ కాంబినేషన్లో వస్తున్న ఈ సినిమాపై అంచనాలు భారీ స్థాయిలో ఉన్నాయి.

Also, do SUBSCRIBE to our YouTube channel to get latest Tollywood updates.