రివీల్ అయిన పవన్ త్రివిక్రమ్ సినిమా టైటిల్

జల్సా, అత్తారింటికి దారేది కాంబినేషన్లో సినిమా అనగానే అభిమానుల్లో భారీ అంచనాలు నెలకొన్నాయి. అంచనాలకు మించి పవన్ కళ్యాణ్ 25 వ మూవీ తెరకెక్కుతోంది. పవర్ స్టార్ పుట్టినరోజు సందర్భంగా రిలీజ్ చేసిన పోస్టర్ తో పాటు అనిరుద్ కంపోజ్ చేసిన సాంగ్ బిట్ వింటుంటే సినిమా ఏ రేంజ్ లో ఉంటుందో అర్ధమవుతోంది. అయితే ఈ సినిమా టైటిల్ ని డైరక్టర్ త్రివిక్రమ్ శ్రీనివాస్ ప్రకటించక ఫ్యాన్స్ ని ఊరిస్తున్నారు. కొంతకాల గా పవన్ సినిమా పేరు ఇదేనంటూ “దేవుడే దిగి వచ్చినా..” అనే టైటిల్ చక్కర్లు కొట్టింది. ఆ తర్వాత “పరదేశ ప్రయాణం”, “రాజు వచ్చినాడు” అనే అనే పేర్లు పరిశీలిస్తున్నట్లు వార్తలు షికారు చేశాయి.

అయితే ఈ టైటిల్స్ ఏవి నిజం కాదని చిత్ర బృందం స్పష్టం చేసింది. తాజాగా ఈ సినిమాకి అజ్ఞాతవాసి అనే టైటిల్ ఫిక్స్ చేసినట్లు ఫిలిం నగర్ వాసులు చెబుతున్నారు. ఈ పేరుని త్వరలోనే అధికారికంగా ప్రకటించనున్నట్లు సమాచారం. పవన్ సాఫ్ట్ వేర్ ఇంజినీర్ గా నటిస్తున్న ఈ మూవీలో హీరోయిన్లుగా అను ఇమ్మానియేల్, కీర్తి సురేష్ నటిస్తున్నారు. సీనియర్ నటి కుష్బూ కీలకరోల్ పోషిస్తోంది. విక్టరీ వెంకటేష్ గెస్ట్ రోల్ చేస్తున్న ఈ చిత్రం వచ్చే ఏడాది జనవరి10 న రిలీజ్ కానుంది.

Also, do SUBSCRIBE to our YouTube channel to get latest Tollywood updates.