వేగంగా సినిమాను పూర్తి చేసేపనిలో పవన్ కళ్యాణ్

“ట్రెండ్ ఫాలో కాను.. ట్రెండ్ సెట్ చేస్తా..” సినిమాలో డైలాగులు చెప్పడమే కాదు.. నిజజీవితంలోనూ పవర్ స్టార్ పవన్ కళ్యాణ్ అలాగే ఉంటారు. ఒకరితో పోటీపడరు.. పోల్చుకోరు. తనకు నచ్చిన దారిలో దూసుకుపోతుంటారు. ప్రస్తుతం పవన్ డాలీ దర్శకత్వంలో “కాటమరాయుడు” సినిమా చేస్తున్నారు.  అనేక అవాంతరాల తర్వాత ఆలస్యంగా పట్టాలెక్కిన ఈ చిత్రం ..  ఇప్పుడు నానాస్టాప్ గా చిత్రీకరణ జరుపుకుంటోంది. గత కొద్దిరోజులుగా అన్నపూర్ణ స్టూడియోలో పవన్, శృతిహాసన్ కాంబినేషన్లో ఉన్న సీన్లను  తెరకెక్కిస్తున్నారు. తమిళంలో ఘన విజయం సాధించిన వీరమ్‌కు రీమేక్‌గా అయిన ఈ మూవీలో పవన్ ఫ్యాక్షన్ లీడర్ గా కనిపించనున్నారు.

ఆయనకు తమ్ముళ్లుగా అజయ్, శివబాలాజీ, కమల్ కామరాజులు నటిస్తున్నారు. దీపావళి రోజు రిలీజ్ అయిన  కాటమరాయుడు ఫస్ట్ లుక్ సినిమాపై అంచనాలను పెంచేసింది. ఈ మూవీ కోసం పవన్ ఫ్యాన్స్ ఎంతగానో ఎదురుచూస్తున్నారు. నార్త్ స్టార్ ఎంటర్‌టైన్‌మెంట్ పతాకంపై శరత్ మరార్ నిర్మిస్తోన్న కాటమరాయుడు ఉగాది కానుకగా థియేటర్లలోకి రానుంది. జనవరి నాటికీ ఈ ఫిల్మ్ షూటింగ్ పార్టీ కంప్లీట్ చేయాలనీ పవన్ భావిస్తున్నారు. అనంతరం మాటల మాంత్రికుడు త్రివిక్రమ్ శ్రీనివాస్ డైరక్షన్లో నటించనున్నారు.

Also, do SUBSCRIBE to our YouTube channel to get latest Tollywood updates.