సీమ యాసలో పవన్ కళ్యాణ్ పంచ్ లు!

పవర్ స్టార్ పవన్ కళ్యాణ్ తొలి సారి ఫ్యాక్షన్ లీడర్ గా నటిస్తున్న చిత్రం కాటమరాయుడు. రాయలసీమ నేపథ్యంలో సాగే ఈ సినిమాలో ముగ్గురు తమ్ముళ్లకు అన్నగా, మధ్య వయస్కుడిగా పవన్ కనిపించనున్నారు. ఇందులో సీమ యాసలో పవన్ డైలాగులు చెప్పి అదరగొడుతారని చిత్ర బృందం వెల్లడించింది. ఈ చిత్రంలో పవన్ నోటి వెంట వచ్చే డైలాగులు హైలైట్ గా నిలుస్తాయని వివరించింది. ఆయన చేసే మాస్ ఫైట్స్ తో పాటు పంచ్ లు కూడా బాగా పేలుతాయని తెలిపాయి.

డాలీ దర్శకత్వంలో శరత్ మరార్ నిర్మిస్తున్న మూవీ శరవేగంగా షూటింగ్ జరుపుకుంటోంది. ఫిబ్రవరి 6న వైజాగ్‌లో చివరి షెడ్యూల్ మొదలుకాబోతుంది. దీంతో ప్రొడక్షన్ వర్క్ పూర్తి అవుతుందని సమాచారం. అనూప్ రూబెన్స్ పవన్ రేంజ్ కి తగిన పాటలను అందించినట్లు సమాచారం. తమిళంలో  విజయం సాధించిన వీరమ్ కి రీమేక్ అయిన ఈ మూవీ ఉగాది కానుకగా మార్చి 24 న థియేటర్లోకి రానుంది.

Also, do SUBSCRIBE to our YouTube channel to get latest Tollywood updates.