శ్రీ సాయి వెంకటేశ్వర సినీ క్రియేషన్స్ (SSVCC) పతాకం పై ప్రొడక్షన్ నెం1 సినిమా టైటిల్ లోగోను తాజాగా ‘ఆర్.ఎక్స్.100’ హీరోయిన్ బ్యూటిఫుల్ పాయల్ రాజ్ పుత్ లాంచ్ చేశారు. అందరూ కొత్త వాళ్ళతో తెరకెక్కుతున్న ఈ చిత్రానికి ‘సౌండ్’ అనే టైటిల్ ఖరారు చేశారు. మల్టీ బ్రాండ్ అనేది దీనికి క్యాప్షన్. తన సోషల్ మీడియా ఖాతా ద్వారా టైటిల్ లోగోని పాయల్ రివీల్ చేయడంతో పాటు చిత్ర బృందానికి ఆల్ ది బెస్ట్ కూడా చెప్పారు.
ఈ సందర్భంగా ‘సౌండ్’ చిత్రం దర్శకుడు అయిన కేవీ చౌదరి మాట్లాడుతూ “మన జీవితంలో ‘సౌండ్’ అనేది చాలా కామన్ వర్డ్. క్యాచీగా ఉంటుందని ఆ టైటిల్ ను పెట్టడం జరిగింది. సినిమాలో ఎంటర్టైన్ మెంట్ కు పెద్ద పీట వేసాం. కథాంశం కూడా అందరినీ ఆకట్టుకుంటుంది. ఈ చిత్రం ద్వారా కొత్త నటీనటుల్ని ఇండస్ట్రీకి పరిచయం చేస్తున్నాం. ఇటివల నిర్వహించిన ఆడిషన్ లో పాల్గొన్న వారిలో ట్యాలెంట్ కలిగిన ఎంతోమందిని ఎంపిక చేసుకున్నాం. హీరో -హీరోయిన్ల వివరాలను త్వరలోనే ప్రకటిస్తాం. అలాగే మా సినిమాకి ఎక్స్ పీరియన్స్ ఉన్న టెక్నీషియన్స్ పనిచేస్తున్నారు.” అంటూ తెలియజేసారు.
నిర్మాత అయిన కె. రవీంద్ర మాట్లాడుతూ “మా దర్శకుడు చాలా మంచి కథతో ఈ సినిమాను తెరకెక్కించడానికి ముందుకొచ్చారు. ఏ సినిమాకయినా టైటిల్ అనేది కీలక పాత్ర పోషిస్తుంది. అది జనాల్లోకి వెళితే చాలు సినిమా సగం సక్సెస్ అయినట్టే. అందుకే చేరువయ్యేలా ఈ టైటిల్ పెట్టాం. మా ‘సౌండ్’ టైటిల్ అందరికీ నచ్చుతుందని ఆకాంక్షిస్తున్నాను. నవంబర్ మూడో వారం నుండీ షూటింగ్ ప్రారంభించబోతున్నాం. అందరి ఆశీస్సులు మా బ్యానర్ కు అలాగే సినిమాకి ఉండాలని మనస్ఫూర్తిగా కోరుకుంటున్నాం.” అంటూ చెప్పుకొచ్చారు.
Most Recommended Video
రొమాంటిక్ సినిమా రివ్యూ & రేటింగ్!
పునీత్ రాజ్ కుమార్ సినీ ప్రయాణం గురించి తెలిస్తే షాక్ అవ్వాల్సిందే..!
ఇప్పటివరకు ఎవ్వరూ చూడని పునీత్ రాజ్ కుమార్ ఫోటోలు..!
