Peddi: ‘పెద్ది’ ‘ఉస్తాద్ భగత్ సింగ్’.. రివర్స్ అయిన రిలీజ్ డేట్లు

మెగా పవర్ స్టార్ రామ్ చరణ్ హిట్టు కొట్టి 4 ఏళ్ళు కావస్తోంది. ‘ఆర్.ఆర్.ఆర్’ తర్వాత చరణ్ చేసిన ‘ఆచార్య’ ‘గేమ్ ఛేంజర్’ సినిమాలు ఒకదాన్ని మించి మరొకటి అన్నట్టు డిజాస్టర్స్ అయ్యాయి. ‘ఆచార్య’ లో చేసింది హీరో పాత్ర కాకపోయినా.. ఆ సినిమా కథంతా చరణ్ పాత్ర చుట్టూనే తిరుగుతుంది అని ప్రత్యేకంగా చెప్పనవసరం లేదు. మరోవైపు సల్మాన్ ఖాన్ ‘కిసీ క భాయ్ కిసీ క జాన్’ సినిమాలో ఓ పాటలో కెమియో ఇచ్చాడు. అది కూడా పెద్ద డిజాస్టర్ అయ్యింది. సొ చరణ్ కి అర్జెంటుగా ఓ హిట్టు కావాలి.

Peddi

అందుకే చాలా కాన్ఫిడెంట్ గా ‘పెద్ది'(Peddi) చేస్తున్నాడు. గ్లింప్స్ తోనే ఈ సినిమాపై అటెన్షన్ పెరిగింది. ఆ తర్వాత వచ్చిన ‘చికిరి చికిరి’ పాట అయితే చార్ట్ బస్టర్ అయ్యి అంచనాలు మరింత పెరిగేలా చేసింది. అయితే రిలీజ్ డేట్ విషయంలో ‘పెద్ది’ అభిమానులను కొంత వెయిటింగ్లో పెట్టింది అని చెప్పాలి. వాస్తవానికి ఈ సినిమాని 2026 మార్చి 27న విడుదల చేస్తున్నట్టు మేకర్స్ ప్రకటించారు. కానీ ఇప్పుడు ఆ డేట్ కి రిలీజ్ కావడం లేదు.

మరోవైపు పవన్ కళ్యాణ్, హరీష్ శంకర్ కాంబినేషన్లో తెరకెక్కుతున్న ‘ఉస్తాద్ భగత్ సింగ్’ సినిమా కూడా మంచి హైప్ ని సొంతం చేసుకుంది. ఈ సినిమాని ఏప్రిల్ 30న విడుదల కానున్నట్టు.. చిత్ర బృందం హింట్ ఇచ్చింది. కానీ ఉన్నట్టుండి మార్చి 26 కి అంటే అల్మోస్ట్ ‘పెద్ది’ రిలీజ్ డేట్ కి ‘ఉస్తాద్ భగత్ సింగ్’ రాబోతున్నట్టు అధికారికంగా ప్రకటించింది. మరోవైపు ‘పెద్ది’ సినిమాని ‘ఉస్తాద్ భగత్ సింగ్’ కోసం అనుకున్న ఏప్రిల్ 30 డేట్ కి తీసుకురాబోతున్నట్టు మేకర్స్ ప్రకటించారు.

‘ఉస్తాద్ భగత్ సింగ్’ ని ‘మైత్రి మూవీ మేకర్స్’ సంస్థ నిర్మిస్తోంది. మరోవైపు ‘పెద్ది’ కి కూడా ‘మైత్రి మూవీ మేకర్స్’ నిర్మాణ భాగస్వామిగా వ్యవహరిస్తోంది. ‘పెద్ది’ పోస్ట్ ప్రొడక్షన్ పనులు పెండింగ్లో ఉండటం వల్ల దానిని వెనక్కి జరిపినట్టు అర్దం చేసుకోవచ్చు.

పోలీసులను ఆశ్రయించిన ఈషా రెబ్బా