పోలీసు కథలు ఎప్పుడూ ఎవర్‌ గ్రీన్‌. ఆ క్యారెక్టర్‌లో ఉండే మాస్‌ ఫ్యాన్స్‌కి బాగా నచ్చేస్తుంది. దీంతో మన స్టార్‌ హీరోలు, కుర్ర హీరోలు.. పోలీసు పాత్ర చేయడానికి ఈజీగా ముందుకొచ్చేస్తుంటారు. తాజాగా టాలీవుడ్‌లో ఇలాంటి పోలీసు సినిమాలు ఎక్కువగానే తెరకెక్కుతున్నాయి. అలా ఖాకీ కట్టిన కుర్ర హీరోలు ఎవరు, వారు ఏ రేంజిలో కిక్‌ ఇవ్వబోతున్నారో చూద్దాం!
* ప్రేమ కథలు, యాక్షన్‌ కథాలతో సత్తా చాటాడు ప్రభాస్‌. ఆయన ఇప్పటి వరకు పోలీస్‌ పాత్రలో కనిపించలేదు. ‘స్పిరిట్’తో ఇప్పుడా లోటును భర్తీ చేస్తున్నాడు. సందీప్ రెడ్డి వంగా తెరకెక్కించనున్న పాన్‌ ఇండియా చిత్రమిది. త్వరలో సినిమా సెట్స్‌పైకి వెళ్లనుంది.
* రామ్‌ పోతినేని కూడా అదే పనిలో ఉన్నాడు. లింగుస్వామి దర్శకత్వంలో ఆయన చేస్తున్న కొత్త సినిమా ‘ది వారియర్‌’లో పోలీసుగా కనిపిస్తాడు. తెలుగు, తమిళ భాషల్లో రూపొందనున్న ఈ చిత్రం జులై 14న ప్రేక్షకుల ముందుకు రానుంది.
* నందమూరి బాలకృష్ణ – అనిల్‌ రావిపూడి కాంబినేషన్‌లో ఓ సినిమా రూపొందనున్న విషయం తెలిసిందే. ఈ సినిమాలో బాలయ్య ‘పటాస్‌’లో కల్యాణ్‌రామ్‌లా కనిపిస్తాడని సమాచారం. సో మరోసారి బాలయ్య ఖాకీ కడుతున్నాడన్నమాట.
* ఆది సాయికుమార్‌ ‘సిఎస్‌ఐ సనాతన్‌’, ‘అమరన్‌ ఇన్‌ ది సిటి’, ‘బ్లాక్‌’ సినిమాలు చేస్తున్నాడు. ఈ మూడు సినిమాల్లోనూ ఆయన పోలీస్‌గా కనిపించనుండటం గమనార్హం. అన్నట్లు ఈ మూడు ఈ ఏడాదిలోనే విడుదల అవుతాయట.
* ‘హిట్‌ 2’లో అడివి శేష్ కూడా పోలీసుగా కనిపిస్తాడు. ‘హిట్‌’లో విశ్వక్‌సేన్‌ ఇలానే కనిపించాడు. శైలేష్‌ కొలను తెరకెక్కిస్తున్న క్రైమ్ థ్రిల్లర్‌ ‘హిట్‌ 2’. ఇందులో శేష్.. కేడీ అలియాస్‌ కృష్ణ దేవ్‌గా కనిపిస్తాడు.
* ‘వీరభోగ వసంతరాయలు’, ‘వి’ సినిమాల్లో ఖాకీ దుస్తుల్లో అలరించాడు సుధీర్‌బాబు. ఇప్పుడు మూడోసారి రెడీ అవుతున్నాడు. మహేష్‌ దర్శకత్వంలో వి.ఆనంద్‌ ప్రసాద్‌ ఈ సినిమా నిర్మిస్తున్నారు.
* ప్రదీప్‌ వర్మ దర్శకత్వంలో శ్రీవిష్ణు ఓ సినిమా చేస్తున్నాడు. ఇందులో విష్ణు ఖాకీ చొక్కాతో కనిపిస్తాడట. దేశంలోని కొందరు ఉత్తమ పోలీసు అధికారుల జీవితాల్లోని కొన్ని ముఖ్యమైన అంశాలు తీసుకొని ఫిక్షనల్‌ బయోపిక్‌లా సినిమా రూపొందిస్తున్నారట.
Most Recommended Video
‘బాహుబలి’ కి ఉన్న ఈ 10 అడ్వాంటేజ్ లు ‘ఆర్.ఆర్.ఆర్’ కు లేవట..!
‘ఆర్.ఆర్.ఆర్’ మూవీ గురించి ఈ 11 ఇంట్రెస్టింగ్ విషయాలు మీకు తెలుసా?
‘పుష్ప’ తో పాటు బుల్లితెర పై రికార్డ్ టి.ఆర్.పి లు నమోదు చేసిన 10 సినిమాల లిస్ట్…?
