2023 సంక్రాంతికి చిరంజీవి, బాలకృష్ణ సినిమాలు బాక్సాఫీస్ వద్ద పోటీ పడడానికి సిద్ధమవుతున్నాయి. ఈ సినిమాలతో హీరోల మధ్యే కాదు టాప్ మ్యూజిక్ డైరెక్టర్స్ మధ్య కూడా పోటీ జరగబోతుంది. దేవిశ్రీప్రసాద్.. చిరంజీవి ‘వాల్తేర్ వీరయ్య’కి సంగీతం అందించారు. తమన్.. బాలయ్య ‘వీరసింహారెడ్డి’కి మ్యూజిక్ అందించారు. ఆ విధంగా వీరిద్దరూ బాక్సాఫీస్ వద్ద పోటీపడబోతున్నారు. రెండేళ్లక్రితం ఈ ఇద్దరు హీరోల మధ్య పోటీ నెలకొంది. ‘సరిలేరు నీకెవ్వరు’, ‘అల వైకుంఠపురములో’ సినిమాలు 2020లో రిలీజ్ అయ్యాయి.
‘సరిలేరు నీకెవ్వరు’ సినిమాకి దేవి సూపర్ హిట్ ఆల్బమ్ అందిస్తే.. ‘అల వైకుంఠపురములో’ సినిమాకి తమన్ అదిరిపోయే మ్యూజిక్ ఇచ్చారు. ‘అల వైకుంఠపురములో’ తమన్ రేంజ్ పెంచేసింది. సినిమాలో పాటలకు బిలియన్ల వ్యూస్ వచ్చాయి. ఆ విధంగా దేవిపై తమన్ పైచేయి సాధించారు. ‘పుష్ప’ సినిమా దేవిశ్రీప్రసాద్ కి పాన్ ఇండియా లెవెల్ లో క్రేజ్ తీసుకొచ్చింది. కానీ తన మ్యూజిక్ తో తమన్ ని మ్యాచ్ చేయలేకపోతున్నారు. ఈ సంక్రాంతికి మాత్రం ఇద్దరి మధ్య టఫ్ ఫైట్ జరగబోతుంది.
ఇప్పటివరకు ఈ రెండు సినిమాల నుంచి ఒక్క సాంగ్ కూడా బయటకురాలేదు. టీజర్స్ మాత్రమే బయటకొచ్చాయి. అందులో బ్యాక్ గ్రౌండ్ స్కోర్స్ ఆకట్టుకునే విధంగా ఉన్నాయి. బాలయ్య సినిమా అంటే తమన్ ఏ రేంజ్ లో మ్యూజిక్ కొడతారో తెలిసిందే. ‘అఖండ’ సినిమా సూపర్ హిట్ అవ్వడానికి ఒక రకంగా తమన్ కూడా కారణమే. ఇప్పుడు మరోసారి ఆయన విజృభించడం ఖాయమని అంటున్నారు.
ఇక మెగాస్టార్ అంటే దేవి స్పెషల్ మ్యూజిక్ అందిస్తారు. చిరు-దేవి కాంబినేషన్ లో వచ్చిన ఆల్బమ్స్ సూపర్ హిట్ అయ్యాయి. మరి ఈసారి దేవి ఎలాంటి ట్యూన్స్ ఇస్తారో చూడాలి. మరి దేవి, తమన్ లలో తమ మ్యూజిక్ తో ఆడియన్స్ ను ఎవరు మెప్పిస్తారో చూడాలి!
Most Recommended Video
లైక్ షేర్ & సబ్స్క్రైబ్ సినిమా రివ్యూ & రేటింగ్!
బొమ్మ బ్లాక్ బస్టర్ సినిమా రివ్యూ & రేటింగ్!
శిల్పా శెట్టి టు హన్సిక.. వ్యాపారవేత్తలను పెళ్లి చేసుకున్న హీరోయిన్ల లిస్ట్..!
