( Tollywood )పొంగల్ వార్‌.. ఈ ఏడాది ఎంత పని పెట్టిందో మనం చూశాం. ఏవేవో సినిమాలు వస్తాయని చెప్పి.. ఆఖరికి ఏవేవో సినిమాలు వచ్చాయి. ఆ మాటకొస్తే గత కొన్నేళ్లుగా ఇదే జరుగుతోంది. కానీ రిలీజ్‌ డేట్‌ దగ్గరకు వచ్చేసరికి అనుకున్న సినిమాలు బరిలో ఉండటం లేదు. అలా వచ్చే ఏడాది సంక్రాంతి గురించి ఇప్పుడు భారీ ఎత్తున చర్చ జరుగుతోంది. ఒకరు కాదు, ఇద్దరు కాదు.. ఏకంగా నలుగురు సూపర్‌ స్టార్ల సంక్రాంతికి తమ సినిమాలను బరిలోకి దింపబోతున్నారని సమాచారం.
2024 సంక్రాంతి బరిలో నిలిచినవారిలో రామ్‌చరణ్‌, ప్రభాస్‌, మహేష్‌బాబు, పవన్ కల్యాణ్ ఉన్నారు. వారి సినిమాల్లో ఏది ఆఖరికిగా బరిలో ఉంటుంది అనేది పక్కన పెడితే.. ఇప్పుడున్న పోరు అయితే భలే రంజుగా ఉంది. రామ్‌చరణ్‌ – శంకర్‌ కాంబినేషన్‌లో రూపొందుతున్న చిత్రం ‘గేమ్ ఛేంజర్’. ఈ సినిమాను వచ్చే సంక్రాంతికి విడుదల చేయాలని చూస్తున్నారు. దిల్‌ రాజు ఆ డేట్‌ను సెంటిమెంట్‌గా పెట్టుకున్న సంగతి తెలిసిందే. ఇక ప్రభాస్‌ ‘ప్రాజెక్ట్‌ కె’ను కూడా అప్పుడే తీసుకురావాలని చూస్తున్నారు.
నాగ్‌ అశ్విన్‌ దర్శకుడిగా అశ్వనీదత్‌ నిర్మిస్తున్న ఈ చిత్రం.. శరవేగంగా షూటింగ్‌ జరుపుకుంటోంది. వచ్చే సంక్రాంతికి రిలీజ్‌ చేస్తామని ఇప్పటికే ప్రకటించారు. ఆ డేట్‌ విషయంలో అశ్వనీదత్‌ పక్కాగా ఉన్నారట. ఈ రెండూ పాన్‌ ఇండియా సినిమాలే కావడం గమనార్హం. అలాగే పవన్ కల్యాణ్ – హరీశ్‌ శంకర్‌ ‘ఉస్తాద్‌ భగత్‌ సింగ్‌’ను సంక్రాంతి తీసుకొద్దాం అనుకుంటున్నారట. ఈ సినిమా కోసం పవన్ 90 రోజుల కాల్‌షీట్లు ఇచ్చారని, త్వరలోనే సినిమా స్టార్ట్‌ అని అంటున్నారు. ఆఖరిగా పొంగల్ రేజులోకి వచ్చిన చిత్రం #SSMB28.
త్రివిక్రమ్‌ దర్శకత్వంలో మహేష్‌బాబు నటిస్తున్న హ్యాట్రిక్‌ చిత్రమిది. ఎప్పుడో మొదలై ఆగిపోయిన ఈ సినిమాను త్వరలో మళ్లీ స్టార్ట్‌ చేస్తారని టాక్‌. ఈ క్రమంలో ఇటీవల సంక్రాంతికి రిలీజ్‌ అని డేట్‌తో సహా ప్రకటించారు. అయితే నలుగురు పెద్ద హీరోలు ఒకేసారి రావడం అంత ఈజీ కాదు. ఇద్దరు అగ్ర హీరోలు వస్తేనే థియేటర్లు దొరకడం లేదు. మరి నలుగురూ వస్తే కష్టమే. కాబట్టి చాలా కష్టమైన ఈ ఆనందం.. వినడానికి చాలా బాగుంది.
హీలీవుడ్‌లో నటించిన 15 మంది ఇండియన్ యాక్టర్స్ వీళ్లే..!
టాలీవుడ్‌లో గుర్తింపు తెచ్చుకున్న 10 మంది కోలీవుడ్ డైరెక్టర్స్ వీళ్లే..!
తు..తు…ఇలా చూడలేకపోతున్నాం అంటూ…బాడీ షేమింగ్ ఎదురుకున్న హీరోయిన్లు వీళ్ళే
నాగ శౌర్య నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?
Home