శ్రీ సినిమాతో టాలీవుడ్ లో తెరంగేట్రం చేసిన తమన్నా ఇండస్ట్రీకి ఎంట్రీ ఇచ్చి ఏళ్లు గడుస్తున్నా వరుస ఆఫర్లను అందిపుచ్చుకుంటూ సత్తా చాటుతున్న సంగతి తెలిసిందే. ఒకవైపు సినిమాల్లో నటిస్తూనే తమన్నా మరోవైపు వెబ్ సిరీస్ లలో కూడా నటిస్తున్నారు. తమన్నా లెవెన్త్ అవర్ అనే ఒక వెబ్ సిరీస్ లో నటించగా వచ్చే నెల 9వ తేదీ నుంచి ఈ వెబ్ సిరీస్ ఆహా ఓటీటీలో ప్రసారం కానుంది. ఏప్రిల్ 9వ తేదీన థియేటర్లలో వకీల్ సాబ్ విడుదల కానుండగా అదే రోజు తమన్నా వెబ్ సిరీస్ కూడా స్ట్రీమింగ్ అవుతుండటం గమనార్హం.
ఈ మధ్య కాలంలో సరైన సక్సెస్ లేని తమన్నా ఈ వెబ్ సిరీస్ తో సక్సెస్ సాధిస్తారేమో చూడాల్సి ఉంది. ఈ వెబ్ సిరీస్ కు ప్రముఖ దర్శకుడు ప్రవీణ్ సత్తారు దర్శకత్వం వహించారని సమాచారం. ఈ వెబ్ సిరీస్ లో తమన్నా కు చెందిన ఒక బిలియన్ డాలర్స్ కంపెనీ ఆర్థిక సమస్యల్లో చిక్కుకుంటుందని.. ఆ సమయంలో అప్పటివరకు స్నేహితులుగా ఉన్నవాళ్లే తమన్నాను మోసం చేసి కొత్త సమస్యలను సృష్టిస్తారని తెలుస్తోంది.
శత్రువులుగా మారిన స్నేహితులు సృష్టించే సమస్యలను తమన్నా ఏ విధంగా అధిగమించారనే కథాంశంతో ఈ వెబ్ సిరీస్ తెరకెక్కింది. ప్రముఖ రచయితలలో ఒకరైన ఉపేంద్ర నంబూరి రచించిన 8 అవర్స్ అనే పుస్తకం స్పూర్తితో ఈ వెబ్ సిరీస్ తెరకెక్కినట్టు తెలుస్తోంది. ఈ వెబ్ సిరీస్ ఎనిమిది ఎపిసోడ్స్ తో డ్రామా థ్రిల్లర్ గా తెరకెక్కుతున్నట్టు తెలుస్తోంది. ఉగాది పండుగ కానుకగా ఆహాలో ఈ వెబ్ సిరీస్ ప్రసారం కానుంది.
మరోవైపు తమన్నా సీటీమార్ సినిమాతో పాటు అంధాధూన్ తెలుగు రీమేక్ లో, ఎఫ్ 3 సినిమాలో నటిస్తున్నారు. సీటీమార్ ఏప్రిల్ 2వ తేదీన విడుదల కానుండగా ఎఫ్ 3 మూవీ ఆగష్టు నెల 27వ తేదీన విడుదల కానుంది. ఈ సినిమాలతో పాటు సత్యదేవ్ హీరోగా తెరకెక్కుతున్న గుర్తుందా శీతాకాలం సినిమాలో కూడా తమన్నా నటిస్తున్నారు.
Most Recommended Video
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!
ఈ సక్సెస్ ఫుల్ డైరెక్టర్లు ఒకప్పుడు స్టార్ డైరెక్టర్స్ దగ్గర అసిస్టెంట్లుగా చేసిన వాళ్ళే..!
తన 11 ఏళ్ళ కేరీర్లో సమంత మిస్ చేసుకున్న సినిమాల లిస్ట్..!
