Prabhas 25: ‘ప్రభాస్ 25’ ని పట్టించుకోరేంటి?

పాన్ ఇండియా స్టార్ ప్రభాస్ ఈ ఏడాది ‘ది రాజాసాబ్’ తో ప్రేక్షకుల ముందుకు వచ్చాడు. ఆ సినిమా ఫలితం ఏంటి అన్నది అందరికీ తెలుసు. తాజాగా ఒటీటీలో రిలీజ్ అయ్యింది ఈ సినిమా. అక్కడ చూసిన ప్రేక్షకులు కూడా సినిమా ఫలితంతో ఏకీభవిస్తున్నారు. సరే ఆ విషయాలు పక్కన పెట్టేస్తే.. ఇప్పటివరకు ప్రభాస్ హీరోగా నటించిన 24 సినిమాలు రిలీజ్ అయ్యాయి. లెక్కపెట్టలేదేమో కానీ ‘ది రాజాసాబ్’… లెక్క ప్రకారం 24వ సినిమాగానే రిలీజ్ అయ్యింది.

Prabhas 25 

సో ప్రభాస్ నుండి నెక్స్ట్ వచ్చే సినిమా 25వ(Prabhas 25) సినిమా అనుకోవాలి. 2026 దసరాకి ‘ఫౌజీ’ సినిమా రిలీజ్ అవుతుంది అంటూ నిన్న మొన్నటి వరకు ప్రచారం జరిగింది. కొంతమంది టాప్ ఆర్డర్ సినీ విశ్లేషకులకు ‘ఫౌజీ’ యూనిట్ ఫోన్ చేసి మరీ ‘మా సినిమా దసరాకి రిలీజ్ అవుతుంది అని వేయండి’ అంటూ విన్నవించుకున్నారు. దీంతో ఆ హ్యాండిల్స్ అన్నీ అలాగే ట్వీట్లు వేశాయి. సరే.. ఏదో విధంగా వేశారు. బాగానే ఉంది. కానీ అది 25వ సినిమా అవుతుంది కదా!

ఈ విషయాన్ని వారెందుకు ప్రస్తావించలేదు. ల్యాండ్ మార్క్ సినిమా అంటే ప్రతి హీరోకి అలాగే అభిమానులకు స్పెషల్ మూవీ. నాని వంటి హీరోలు కూడా తమ 25వ సినిమాని ప్రత్యేకంగా చెప్పుకుని ప్రచారం చేసుకున్నారు. నిర్మాతలు కూడా హీరోల ల్యాండ్ మార్క్ మూవీని ప్రత్యేకంగా ప్రస్తావిస్తూ ప్రచారం చేసుకోవడం కూడా ఆనవాయితీగా వస్తోంది. కానీ ‘ప్రభాస్ 25’ ని మాత్రం ఎవ్వరూ పట్టించుకోవడం లేదు. ప్రభాస్ ఎలాగూ ఇలాంటి ఆర్బాటాలకు దూరంగా ఉంటాడు.

కనీసం అభిమానులు, నిర్మాతలు అయినా 25వ సినిమా గురించి ప్రత్యేకంగా ప్రమోషన్ మొదలు పెట్టాలి కదా. ఎందుకు ఆ హడావిడి కనిపించడం లేదు. ముందుగా ‘ఫౌజీ’ రిలీజ్ అయితే అది 25వ సినిమా అవుతుంది. లేదు ‘స్పిరిట్’ రిలీజ్ అయితే అది 25వ సినిమా అవుతుంది. పాన్ ఇండియా స్టార్ 25వ సినిమాకి.. అదే ల్యాండ్ మార్క్ సినిమాకి ఇలాంటి కన్ఫ్యూజన్ ఎంటబ్బా?!

కార్తీ కాదు ఫహాద్ ఫిక్స్