టాలీవుడ్ స్టార్ హీరోలలో ఒకరైన ప్రభాస్ కు (Prabhas) సలార్ (Salaar), కల్కి 2898 ఏడీ (Kalki 2898 AD) సినిమాలతో భారీ విజయాలు దక్కాయి. అటు సలార్, ఇటు కల్కి సినిమాలలో పవర్ ఫుల్ రోల్స్ లో కనిపించిన ప్రభాస్ తన నటనతో అన్ని వర్గాల ప్రేక్షకులను ఆకట్టుకున్నారు. కల్కి సినిమాకు ప్రపంచవ్యాప్తంగా తొలిరోజే 191.5 కోట్ల రూపాయల గ్రాస్ కలెక్షన్లు రావడం విశేషం. మరోవైపు పౌరాణిక పాత్రల్లో వరుస సినిమాలలో నటిస్తూ ప్రభాస్ సత్తా చాటుతున్నారు.
ఆదిపురుష్ లో (Adipurush) శ్రీరాముని పాత్రలో కనిపించిన ప్రభాస్ కల్కి 2898 ఏడీ సినిమాలో ఒక పౌరాణిక పాత్రలో కొన్ని నిమిషాల పాటు కనిపించారు. కన్నప్ప (Kannappa) సినిమాలో సైతం ప్రభాస్ నందీశ్వరుడు లేదా రావణుని పాత్రలో కనిపిస్తారని ప్రచారం జరుగుతుండగా ఈ ప్రచారంలో నిజానిజాలు తెలియాల్సి ఉంది. ప్రభాస్ వరుసగా పౌరాణిక పాత్రల్లో నటించడంతో పాటు తన అద్భుతమైన నటనతో ప్రేక్షకులను మెప్పిస్తున్నారు.
ఈ జనరేషన్ లో పౌరాణిక పాత్రల్లో నటించే ప్రతిభ కొంతమంది హీరోలకు మాత్రమే ఉండగా వాళ్లలో ప్రభాస్ కూడా ఒకరు కావడం గమనార్హం. ఈ విషయంలో ప్రభాస్ ను ఎంత మెచ్చుకున్నా తక్కువేనని అభిప్రాయాలు వ్యక్తమవుతున్నాయి. ప్రభాస్ రాబోయే రోజుల్లో మరిన్ని భారీ హిట్లను సొంతం చేసుకోవాలని అభిమానులు కోరుకుంటున్నారు. ప్రభాస్ తర్వాత సినిమాలు అన్నీ భారీ రేంజ్ లో తెరకెక్కుతున్నాయి. సలార్2, కల్కి2, స్పిరిట్ (Spirit) సినిమాలపై అంచనాలు పెరుగుతున్నాయి.
త్వరలో రాజాసాబ్ (Raja Saab) సినిమా ప్రమోషన్స్ మొదలుకానుండగా ఈ సినిమా ఎలా ఉండబోతుందో త్వరలో క్లారిటీ రానుంది. బ్యాక్ టు బ్యాక్ సినిమాలతో బిజీగా ఉన్న ప్రభాస్ తన సినిమాలతో అన్ని వర్గాల ప్రేక్షకులను మెప్పిస్తూ నటుడిగా ఒక్కో మెట్టు పైకి ఎదుగుతున్నారు. ప్రభాస్ ఒక సినిమాకు మరో సినిమాకు సంబంధం లేకుండా సినిమాలను ఎంచుకుంటూ వార్తల్లో నిలుస్తుండటం గమనార్హం.
