బాహుబలి, బాహుబలి2 సినిమాలు స్టార్ హీరో ప్రభాస్ జాతకాన్ని మార్చేశాయి. ఈ సినిమాలతో ఇతర రాష్ట్రాలలో, విదేశాలలో ప్రభాస్ కు భారీస్థాయిలో క్రేజ్ దక్కింది. ఇతర దేశాలతో పోలిస్తే జపాన్ లో ప్రభాస్ కు మరింత ఎక్కువగా క్రేజ్ ఉంది. ప్రభాస్ నటించిన సాహో సినిమా తెలుగు రాష్ట్రాలలో ఆశించిన స్థాయిలో సక్సెస్ సాధించలేదు. అయితే జపాన్ లో మాత్రం ఈ సినిమా బ్లాక్ బస్టర్ హిట్ గా నిలిచింది.
జపాన్ లోని స్టార్ హీరోలతో సమానంగా ప్రభాస్ కు గుర్తింపు ఉంది. ప్రస్తుతం ప్రభాస్ కు జపాన్ లో ఊహించని స్థాయిలో అభిమానులు ఉన్నారు. అక్కడ షాపింగ్ మాల్స్ కు సైతం ప్రభాస్ కు ఉన్న క్రేజ్ ను దృష్టిలో ఉంచుకుని ప్రభాస్ ఫోటోలను వాడేస్తున్నారు. ప్రభాస్ బాహుబలి గెటప్, సాహో గెటప్ లకు సంబంధించిన డ్రెస్సెస్, చాక్లెట్లు, టాయ్స్, ఇతర వస్తువులు ప్రభాస్ ఫోటోలతో వైరల్ అవుతున్నాయి. జపాన్ లోని ఐకియాలో ఖాళీ సీసాల గాజు లేబుల్స్ పై ప్రభాస్ ఫోటోను ముద్రించారు.
ఈ ఖాళీ బాటిల్స్ ను అమ్మకానికి పెట్టగా విపరీతంగా సేల్ అవుతున్నాయని సమాచారం. ఐకియాలో ఇంటికి అవసరమైన అన్ని ముఖ్యమైన వస్తువులను విక్రయిస్తారనే సంగతి తెలిసిందే. ప్రభాస్ ఫోటోలతో ఉన్న ఖాళీ బాటిల్స్ కు సంబంధించిన పిక్స్ ప్రస్తుతం నెట్టింట తెగ వైరల్ అవుతున్నాయి. రోజురోజుకు పెరుగుతున్న ప్రభాస్ క్రేజ్ ను చూసి అభిమానులు ఆశ్చర్యపోవడంతో పాటు సంతోషిస్తున్నారు. భవిష్యత్తు ప్రాజెక్టులతో ప్రభాస్ కు క్రేజ్ మరింత పెరుగుతుందని అభిమానులు అనుకుంటున్నారు.
ప్రభాస్ నటించిన రాధేశ్యామ్ మరికొన్ని రోజుల్లో థియేటర్లలో విడుదల కానుంది. 350 కోట్ల రూపాయల భారీ బడ్జెట్ తో రాధేశ్యామ్ మూవీ తెరకెక్కింది. రాధాకృష్ణ కుమార్ ఈ సినిమాకు దర్శకత్వం వహించారు. జిల్ తర్వాత రాధాకృష్ణ కుమార్ దర్శకత్వంలో తెరకెక్కిన ఈ సినిమా సక్సెస్ సాధిస్తే రాధాకృష్ణకు స్టార్ డైరెక్టర్ గా గుర్తింపు దక్కే ఛాన్స్ ఉంది.
Most Recommended Video
83 సినిమా రివ్యూ & రేటింగ్!
వామ్మో.. తమన్నా ఇన్ని సినిమాల్ని మిస్ చేసుకుండా..!
‘అంతం’ టు ‘సైరా’.. నిరాశపరిచిన బైలింగ్యువల్ సినిమాల లిస్ట్..!
Home