టాలీవుడ్ స్టార్ హీరో ప్రభాస్ (Prabhas) వరుస సినిమాలలో నటిస్తూ కెరీర్ పరంగా బిజీగా ఉన్నారు. ప్రభాస్ సినిమాలపై అంచనాలు అంతకంతకూ పెరుగుతున్న సంగతి తెలిసిందే. ప్రభాస్ నటించిన కల్కి మూవీ బాలీవుడ్ బాక్సాఫీస్ ను షేక్ చేస్తోంది. ఇప్పటికే నార్త్ ఇండియాలో కల్కి (Kalki 2898 AD) సినిమా 175 కోట్ల రూపాయల గ్రాస్ కలెక్షన్లను సొంతం చేసుకోగా త్వరలో ఈ సినిమా సులువుగా 200 కోట్ల రూపాయల మార్క్ ను టచ్ చేసే అవకాశాలు అయితే ఉన్నాయని చెప్పవచ్చు.
సలార్ (Salaar) హిందీ వెర్షన్ 200 కోట్ల రూపాయల కలెక్షన్ల మార్క్ ను క్రాస్ చేయగా కల్కి 2898 ఏడీ సినిమా కూడా సులువుగా ఆ మార్క్ ను క్రాస్ చేసే అవకాశాలు అయితే కనిపిస్తున్నాయి. ప్రభాస్ నార్త్ ఇండియా థియేటర్లు కళకళలాడుతున్నాయి. బాలీవుడ్ సినిమాలకు సైతం సాధ్యం కాని స్థాయిలో ప్రభాస్ సినిమాలు కలెక్షన్లను సాధిస్తున్నాయి. క్లాస్ సినిమాలతో సైతం రికార్డ్ స్థాయి కలెక్షన్లు సాధించడం ప్రభాస్ కే సాధ్యమని చెప్పవచ్చు.
బాహుబలి (Baahubali) , బాహుబలి2 ((Baahubali 2) , సాహో (Saaho) సినిమాలు సైతం బాలీవుడ్ బాక్సాఫీస్ ను షేక్ చేసే స్థాయిలో కలెక్షన్లను సొంతం చేసుకున్న సంగతి తెలిసిందే. ప్రభాస్ నెక్స్ట్ లెవెల్ ప్రాజెక్ట్ లతో భారీ విజయాలను అందుకోవాలని ఫ్యాన్స్ కోరుకుంటున్నారు. బాలీవుడ్ హీరోల సినిమాలు 100 కోట్ల రూపాయల గ్రాస్ కలెక్షన్లను సొంతం చేసుకోవడానికి కూడా సాధ్యం కాదు. షారుఖ్ ఖాన్ మినహా బాలీవుడ్ స్టార్స్ సినిమాలేవీ ప్రేక్షకులను మెప్పించడం లేదు.
సౌత్ డైరెక్టర్లు డైరెక్ట్ చేసిన సినిమాలు మాత్రమే బాలీవుడ్ ఇండస్ట్రీలో అంచనాలను మించి హిట్ అవుతుండటం గమనార్హం. ప్రభాస్ నెక్స్ట్ లెవెల్ ప్రాజెక్ట్ లతో బాక్సాఫీస్ ను షేక్ చేయాలని అభిమానులు ఫీలవుతున్నారు. ప్రభాస్ కెరీర్ ను సరిగ్గా ప్లాన్ చేసుకుంటే మాత్రం భారీ విజయాలు సొంతం కావడం ఖాయమని చెప్పడంలో ఎలాంటి సందేహం అక్కర్లేదు. కల్కి 2898 ఏడీ మూవీ ఎంతోమందికి కోరుకున్న భారీ బ్లాక్ బస్టర్ హిట్ ను అందించింది.
త్వరలో ఈ సినిమా 1000 కోట్ల రూపాయల కలెక్షన్ల మార్క్ ను అందుకోనుంది. ఈ సినిమా ఫుల్ రన్ కలెక్షన్లు 1100 కోట్ల రూపాయలకు అటూఇటుగా ఉండే అవకాశాలు ఉన్నాయి. కొన్ని ఏరియాలలో కొత్త రికార్డ్స్ ను క్రియేట్ చేసిన కల్కి 2898 ఏడీ మరికొన్ని ఏరియాలలో ఆర్.ఆర్.ఆర్ (RRR) మూవీ సాధించిన రికార్డులను బ్రేక్ చేసింది. బాలీవుడ్ స్టార్స్ కు చెమటలు పట్టే రేంజ్ లో ప్రభాస్ సినిమాలు సక్సెస్ సాధిస్తున్నాయని కామెంట్లు వ్యక్తమవుతున్నాయి.
