దేశ ప్రజల మనసుల్లో స్థానం సంపాదించుకున్న ప్రభాస్

బాహుబలి సినిమాతోనే ప్రభాస్ దేశ ప్రజల మనసుల్లో స్థానం సంపాదించుకున్నారు. కొత్తగా ఇప్పుడు వార్త రాయడం ఏమిటి అనుకుంటున్నారా ?.. తాజాగా ఇండియా టుడే నిర్వ‌హించిన సర్వేలో ఈ విషయం మళ్ళీ స్పష్టమయింది. “మూడ్ ఆఫ్ ద నేష‌న్ 2016-17 ” స‌ర్వేలో తొలిసారిగా టాలీవుడ్ హీరోకి చోటు దక్కడం విశేషం. “మూడ్ ఆఫ్ ద నేష‌న్ 2016-17 ” సర్వే ఓటింగ్ లో 11 శాతం ఓట్ల‌తో అమితాబ్ బ‌చ్చ‌న్‌, స‌ల్మాన్ ఖాన్‌లు  మొద‌టి, రెండో స్థానంలో నిలవగా, 9 శాతం ఓట్లతో షారుక్ ఖాన్‌కు మూడో స్థానం, 8 శాతం ఓట్ల‌తో అక్ష‌య్‌ కుమార్‌కు నాలుగో స్థానం లభించింది. ప్ర‌భాస్ 7 శాతం ఓట్ల‌తో పాపులర్ నటుల జాబితాలో ఐదో స్థానంలో నిలిచారు.

ఇక కథానాయికల జాబితాలో 9 శాతం ఓట్లతో ప్రియాంక చోప్రా, దీపికా పదుకునే తొలి రెండు స్థానాల్లోనూ, 8 శాతం ఓట్లతో ఐశ్వ‌ర్య‌రాయ్‌, అనుష్క శ‌ర్మ‌ తర్వాత స్థానంలోనూ, 7 శాతం ఓట్లతో క‌త్రినా కైఫ్‌ ఐదో స్థానంలో నిలిచారు. ఇక సినిమాల విషయానికి వస్తే అత్యుత్తమ ప్రజాదరణ పొందిన చిత్రాల జాబితాలో 26 శాతం ఓట్లతో బాహుబలి తొలి స్థానంలో నిలిచింది. బాలీవుడ్ ఎవ‌ర్‌గ్రీన్ చిత్రం `షోలే` రెండో స్థానంలోనూ, బాహుబ‌లి వన్ మూడు, దంగ‌ల్‌ నాలుగో స్థానంలోనూ నిలిచాయి.

Also, do SUBSCRIBE to our YouTube channel to get latest Tollywood updates.