పాన్ ఇండియా స్టార్ హీరో ప్రభాస్ ప్రస్తుతం వరుస సినిమాలలో నటిస్తున్న సంగతి తెలిసిందే. ఇటీవల సలార్ సినిమా ద్వారా ప్రేక్షకుల ముందుకు వచ్చినటువంటి ప్రభాస్ తన తదుపరి సినిమాల షూటింగ్ పనులలో ఎంతో బిజీగా ఉన్నారు. ఇక ప్రభాస్ నటించిన కల్కి సినిమా కూడా మే నెలలో రాబోతుంది అంటూ మేకర్స్ బిగ్ అప్డేట్ ఇవ్వడంతో ప్రభాస్ ఫ్యాన్స్ సంతోషంగా ఉన్నారు. ఈ సినిమాతో పాటు ప్రభాస్ స్పిరిట్ సినిమాలో కూడా నటిస్తున్న విషయం మనకు తెలిసిందే.
అదే విధంగా మారుతి డైరెక్షన్లో కూడా ఈయన మరొక సినిమా చేయబోతున్నట్లు అందరికీ తెలిసిందే..తాజాగా ఈ సినిమా నుంచి ప్రభాస్ ఫస్ట్ లుక్ అదే విధంగా సినిమా టైటిల్ కూడా అనౌన్స్ చేస్తూ ఒక వీడియోని విడుదల చేశారు. పండగ పూట ప్రభాస్ సినిమాకి సంబంధించినటువంటి అప్డేట్ రావడంతో అభిమానులు సంతోషం వ్యక్తం చేస్తున్నారు. ఇక మారుతి డైరెక్షన్లో ప్రభాస్ నటిస్తున్నటువంటి ఈ సినిమాకి ది రాజా సాబ్ అనే టైటిల్ పెట్టబోతున్నట్లు తెలుస్తోంది. ఇక ఇందులో ప్రభాస్ ఫస్ట్ లుక్ కూడా పెద్ద ఎత్తున సోషల్ మీడియాలో వైరల్ గా మారింది.
ప్రభాస్ చూడటానికి చాలా యంగ్ గా కనిపించడమే కాకుండా లుంగీ కట్టి డాన్స్ చేస్తున్నాడు. బ్లాక్ షర్ట్ ధరించాడు. లుక్ కూడా కొత్తగా ఉంది. అలాగే యంగ్‌గా ఉన్నాడు. చాలా గ్యాప్‌ తర్వాత ప్రభాస్ ఇలాంటి ఒక ఫ్యామిలీ మూవీ చేస్తున్నారు. ఇందులో ఆయన కామెడీ కూడా చేస్తాడట. ఫస్ట్ లుక్ చూస్తుంటే ఆ విషయం అర్థమవుతుంది. ఇక ఈ సినిమాలో ఏకంగా ముగ్గురు హీరోయిన్లు నటించబోతున్నట్లు తెలిసిందే.
గుంటూరు కారం సినిమా రివ్యూ & రేటింగ్!
హను మాన్ సినిమా రివ్యూ & రేటింగ్!
‘గుంటూరు కారం’ తో పాటు 24 గంటల్లో రికార్డులు కొల్లగొట్టిన 15 ట్రైలర్ల లిస్ట్..!
