Prabhas, Samantha: ‘వర్షం’ రీరిలీజ్.. ‘యశోద’పై ఎఫెక్ట్ పడుతుందా..?

November 7, 2022 / 12:01 PM ISTByFilmy Focus

Join Us

Prabhas, Samantha: ‘వర్షం’ రీరిలీజ్.. ‘యశోద’పై ఎఫెక్ట్ పడుతుందా..?

స్టార్ హీరోయిన్ సమంత నటించిన ‘యశోద’ సినిమా విడుదలకు సిద్ధంగా ఉంది. నవంబర్ 11న ఈ సినిమా ప్రేక్షకుల ముందుకు రానుంది. ప్రస్తుతం సమంత ఆరోగ్యం బాలేదు. ఇంట్లోనే రెస్ట్ తీసుకుంటున్నారు. ఇలాంటి సమయంలో ఆమె ప్రమోషన్స్ లో పాల్గొనే ఛాన్స్ లేదు. స్పెషల్ గా ఓ వీడియో ఇంటర్వ్యూ ఇవ్వాలని మాత్రం చేస్తున్నారు సమంత. మిగిలిన ఏ ఈవెంట్స్ లో కూడా ఆమె కనిపించరు. మిగిలిన నటీనటులు మాత్రం ‘యశోద’ను ప్రమోట్ చేస్తున్నారు.

చిత్రబృందం కూడా ప్రమోషన్స్ ముమ్మరంగా చేస్తోంది. ఈ సినిమాకి పోటీగా చెప్పుకోదగ్గ సినిమాలేవీ రావడం లేదు. కానీ ఇప్పుడు సడెన్ గా ప్రభాస్ నుంచి సమంతకు పోటీ ఎదురైంది. ఈ మధ్యకాలంలో సినిమాలను రీరిలీజ్ చేస్తోన్న సంగతి తెలిసిందే. ఈ క్రమంలో ప్రభాస్ ‘వర్షం’ సినిమాను రీరిలీజ్ చేయబోతున్నారు. నవంబర్ 11న ‘వర్షం’ సినిమా మరోసారి ప్రేక్షకుల ముందుకు రానుంది. ప్రభాస్ ఇండస్ట్రీలోకి అడుగుపెట్టి ఇరవై ఏళ్లు అవుతున్న సందర్భంగా ఈ సినిమాను మళ్లీ రిలీజ్ చేయాలని నిర్ణయించుకున్నారు.

ఈ సినిమా ఎఫెక్ట్ కచ్చితంగా సమంత ‘యశోద’పై పడే ఛాన్స్ ఉంది. బి, సి సెంటర్స్ లో ప్రభాస్ ‘వర్షం’ కచ్చితంగా సత్తా చాటుతుందని ట్రేడ్ నిపుణులు చెబుతున్నారు. మల్టీప్లెక్స్, ఏ సెంటర్స్ లో మాత్రం ‘యశోద’ దూసుకుపోయే ఛాన్స్ ఉంది. సమంత సోలోగా నటించిన ‘యశోద’పై మంచి అంచనాలే ఏర్పడ్డాయి. టీజర్, ట్రైలర్ ఇంట్రెస్టింగ్ గా ఉండడంతో సినిమాపై ఆసక్తి చూపిస్తున్నారు జనాలు.

హరి, హరీష్ అనే ఇద్దరు కొత్త దర్శకులు ఈ సినిమాను రూపొందించారు. శ్రీదేవి మూవీస్ బ్యానర్ పై భారీ బడ్జెట్ తో సినిమాను నిర్మించారు. వరలక్ష్మీ శరత్ కుమార్, ఉన్ని ముకుందన్ లాంటి నటులు సినిమాలో కీలకపాత్రలు పోషించారు.