ప్రభాస్ కి ఇష్టమైన డైరక్టర్ రాజమౌళి కాదా?

ఇష్టమైన డైరక్టర్ ఎవరు? అని ప్రభాస్ ని అడగ్గానే.. అతను రాజమౌళి అని చెబుతారని అందరూ అనుకుంటారు. ఎందుకంటే ఛత్రపతి సినిమా నుంచి వీరిద్దరి బంధం బలపడుతూ వచ్చింది. బాహుబలి సినిమాతో మంచి మిత్రుల్లా మారిపోయారు. సో రాజమౌళి ప్రభాస్ ఫేవరేట్ డైరక్టర్ అని అనుకోవడంలో తప్పులేదు. కానీ ఇష్టమైన దర్శకుడు అతను కాదు. ఆశ్చర్యంగా ఉంది కదూ. ఇది నిజం. నిన్న చెన్నైలో జరిగిన తమిళ వెర్షన్ బాహుబలి ఆడియో వేడుకలో అందరి ముందు ఈ విషయాన్నీ వెల్లడించారు.

” నాకు రాజమౌళి కన్నా మణిరత్నం, బాపు గార్లంటే చాలా ఇష్టం. వీరిద్దరిలో ఎవరైనా ఒకరి పేరే చెప్పమంటే మణిరత్నంగారి పేరే చెబుతాను. ఆయనకు నేను వీరాభిమానిని. ఈ సంగతి రాజమౌళికి కూడా తెలుసు” అని నవ్వుతూ చెప్పారు. క్లాసిక్ సినిమాలను మనకి అందించిన బాపు, మణిరత్నం అంటే ఇష్టపడని వారంటూ ఎవరూ ఉండరు. సో ప్రభాస్ మాటలకు రాజమౌళితో పాటు అభిమానులు చప్పట్లు కొట్టారు. ప్రభాస్ ద్విపాత్రాభినయం చేసిన బాహుబలి కంక్లూజన్ ఈ ఏప్రిల్ నెల 28న ప్రపంచవ్యాప్తంగా విడుదల కానుంది.

Also, do SUBSCRIBE to our YouTube channel to get latest Tollywood updates.