టి సిరీస్.. దేశంలోనే అతి పెద్ద నిర్మాణ సంస్థ. అలాంటి సంస్థకు ఎలాంటి సినిమాలు చేయాలి, ఎలాంటి కథలు ఓకే చేయాలి, ఎలాంటి నటులను ఎంపిక చేయాలి లాంటి విషయాలు చెప్పాలి అనుకోవడం సరైన చర్చ కాదేమో. కానీ రీసెంట్‌గా ఆ ప్రొడక్షన్‌ హౌస్‌ నుండి వస్తున్న సినిమాలు, వాటి కోసం వాళ్లు చేస్తున్న పనులు చూస్తుంటే ఇలా ఎందుకు చేస్తున్నారురా బాబోయే అనే డౌటానుమానం కలుగుతోంది. ఈ నేపథ్యంలో అయిపోయిందేదో అయిపోయింది. తర్వాతి సినిమకైనా జాగ్రత పడండి అంటూ ప్రభాస్ ఫ్యాన్స్‌ వేడుకుంటున్నారు.
టి సిరీస్ – ప్రభాస్.. ఈ బంధం ‘బాహుబలి’ తర్వాతి నుండి కొనసాగుతూనే ఉంది. ఆ నిర్మాణ సంస్థతోనే ప్రభాస్ వరుస సినిమాలు చేశాడు. తర్వాత చేయబోయే సినిమా కూడా అందులోనే. ఈ నేపథ్యంలోనే సమస్య అంతా. మొన్నీ మధ్య వచ్చిన ‘ఆదిపురుష్’ సినిమా టి సిరీస్ వాళ్లు తెరకెక్కించిందే అనే విషయం ప్రత్యేకంగా చెప్పక్కర్లేదు. అంతే కాదు అంతకుముందు వచ్చిన ‘రాధేశ్యామ్‌’ను హ్యాండిల్‌ చేసింది కూడా వాళ్లే. ఆ సినిమా విషయంలో జరిగిన తప్పులు మళ్లీ రాకుండా ‘ఆదిపురుష్’ చేస్తారేమో అనుకుంటే.. ఇంకా ఇబ్బంది పెట్టారు.
‘ఆదిపురుష్’ సినిమా ఓకే చేయడం నుండి థియేటర్లకు తీసుకురావడం వరకు అన్ని చోట్లా సమస్యలే. దీంతో టి సిరీస్.. టేక్‌ ఇట్ సీరియస్‌ అని ప్రభాస్ ఫ్యాన్స్‌ అంటున్నారు. ఎందుకంటే వాళ్ల తర్వాతి సినిమా కూడా ప్రభాస్ దే. సందీప్‌ రెడ్డి వంగా దర్శకత్వంలో ప్రభాస్ నటించనున్న ‘స్పిరిట్‌’కి టి సిరీస్ వాళ్లే నిర్మాత. రూ. వందల కోట్లను ప్రభాస్ మీద వర్కౌట్ చేసుకోవచ్చనే ఆలోచన కాకుండా..
మంచి కథ, కథనం, కాస్టింగ్‌తో సరైన విజయం పొందాలని, (Prabhas) ప్రభాస్‌కు మంచి హిట్‌ ఇవ్వాలని ఫ్యాన్స్‌ కోరుతున్నారు. ఓవైపు ఇలాంటి సినిమాలు చేయడం వల్లే బాలీవుడ్‌కి సరైన విజయాలు లేవు అని టాక్‌ నడుస్తున్న నేపథ్యంలో ప్రభాస్ లాంటి కటౌట్‌ పెట్టుకుని విజయం అందుకోలేకపోవడం టి సిరీస్ తప్పే అంటున్నారు ఫ్యాన్స్‌. మరి వాళ్లేం చేస్తారో చూడాలి.
ఆదిపురుష్ సినిమా రివ్యూ & రేటింగ్!
‘సైతాన్’ వెబ్ సిరీస్ రివ్యూ & రేటింగ్!
కుటుంబం కోసం జీవితాన్ని త్యాగం చేసిన స్టార్ హీరోయిన్స్
Home