సుకుమార్ నెక్స్ట్ హీరో ప్రభాసేనా ?

సినిమా తెరకెక్కించడంలో సుకుమార్ శైలి విభిన్నమైంది. తోటి డైరక్టర్స్ ని, నేటి ట్రెండ్ ని ఫాలో అవ్వకుండా.. కొత్తదారిని ఎంచుకుంటుంటారు. అలా వెళ్లి అపజయాలను చవిచూశారు. విజయాలను అందుకున్నారు. అయినా తన స్టైల్ మార్చుకోలేదు. సుకుమార్, సూపర్ స్టార్ మహేష్ బాబు కలయికలో వచ్చిన వన్ నేనొక్కడినే సినిమా ఆశించిన ఫలితాలను అందుకోలేకపోయింది. హాలీవుడ్ సినిమాలా ఉందని సినీ విశ్లేషకులు ప్రశంసించినప్పటికీ బాక్స్ ఆఫీస్ వద్ద బోల్తా కొట్టింది. ఇక రామ్ చరణ్ తో సుకుమార్ చేసిన ప్రయోగం రంగస్థలం సూపర్ హిట్ అయింది. దీని తర్వాత సుకుమార్ ఎవరితో సినిమా చేస్తారనేది ఆసక్తికరంగా మారింది.

ఈసారి ఎలాగైనా మహేష్ తో హిట్ కొట్టాలని సుకుమార్ పట్టుదలతో ఉన్నారు. అందుకే అతనికోసం కథ రెడీ చేస్తున్నారని గాసిప్ వినిపించింది. అయితే తాజా సమాచారం మేరకు సుకుమార్ ప్రభాస్ కోసం కథ సిద్ధం చేస్తున్నట్లు తెలిసింది. ప్రస్తుతం ప్రభాస్ సుజీత్ దర్శకత్వంలో “సాహో” సినిమా చేస్తున్నారు. అలాగే రాధాకృష్ణ దర్శకత్వంలో మరో మూవీ సెట్స్ పై ఉంది. దాని తర్వాత డైరక్ట్ హిందీ మూవీ చేస్తారని వార్తలు వినిపిస్తున్నాయి కానీ అధికారిక ప్రకటన రాలేదు. రాధాకృష్ణ తర్వాత సుకుమార్ దర్శకత్వంలోనే ప్రభాస్ మూవీ ఉంటుందని ఫిలిం నగర్ వాసులు చెప్పుకుంటున్నారు. రంగస్థలం తర్వాత సుకుమార్ హీరో ఎవరనేది.. కొన్ని రోజుల్లో స్పష్టం కానుంది.