ప్రభాస్ లాంటి పెద్ద హీరో వచ్చి.. నాతో ఓ చిన్న సినిమా చెయ్యు అంటే ఎవరైనా ఏం చేస్తారు తనకు బాగా అచ్చొచ్చిన జోనర్‌ ఎంచుకుంటాడు. ఇప్పుడు మారుతి కూడా అదే చేశాడు అని తెలుస్తోంది. వరుస పాన్‌ ఇండియా సినిమాలు చేసి బోర్‌ కొట్టిందో లేక మొనాటినీ ఫీల్‌ అయ్యాడో ఏమో ప్రభాస్… ఓ చిన్న తెలుగు సినిమా చేద్దాం అనుకున్నాడని చాలా రోజులుగా వార్తలొస్తున్నాయి. దాని కోసం మారుతిని ఎంచుకున్నారని ఆ వార్తల సారాంశం. అయితే మారుతి ఆ విషయం ఒప్పుకోలేదు అనుకోండి.
అయితే ఈ సినిమా గురించి రకరకాల పుకార్లు వినిపిస్తున్నాయి. ముఖ్యంగా కథ, నేపథ్యం విషయంలో పుకార్లు గట్టిగా వినిపిస్తున్నాయి. ఈ సినిమా హారర్‌ నేపథ్యమని, కుటుంబ కథా చిత్రమని… ఇలా చాలా మాటలు చెవిన పడుతున్నాయి. ‘రాజా డీలక్స్‌’ అనే పేరు కూడా బయటికొచ్చింది. ఆ తర్వాత ఈ పేరు కాదు, వేరేది అన్నారు. అయితే సినిమా కోసం పాత్రల ఎంపిక మొదలైంది అని లేటెస్ట్‌ టాక్‌. ఆ పాత్రల బట్టి చూస్తే ఈ సినిమా హారర్‌ కామెడీ అని పిక్స్ అయిపోవచ్చు.
ఈ సినిమా కోసం బాలీవుడ్ వెర్సటైల్‌ యాక్టర్‌ బొమన్ ఇరానీని చిత్ర బృందం సంప్రదించిందట. సినిమాలో ప్రధాన దెయ్యం పాత్ర ఆయనకు ఆఫర్‌ చేశారు అంటున్నారు. ఆ రోల్‌ చాలా కామిక్‌గా ఉంటుందని, దానికి బొమన్ అయితే బాగుంటారని అనుకుంటున్నారని తెలుస్తోంది. ఈ లెక్కన సినిమా హారర్‌ కామెడీ అని పక్కాగా పిక్స్ అయిపోవచ్చు. సినిమా కథంతా ఓ ఇంటి చుట్టూ తిరుగుతుందని, ఆ ఇంట్లోకి చిత్ర విచిత్ర‌మైన ప‌రిస్థితుల్లో కథానాయకుడు చేర‌తాడ‌ని, ఆ త‌ర‌వాత ఏమైంద‌న్న‌దే సినిమా అని తెలుస్తోంది.
ఇలాంటి కథలు తీయడంతో మారుతికి మంచి అనుభవమే ఉంది. డైరక్టర్ అని పేరు వేసుకోలేదు కానీ.. ఆయన నుండి వచ్చిన ‘ప్రేమ కథా చిత్రమ్‌’ ఇలాంటి కాన్సెప్టే. అయితే ప్రభాస్ లాంటి పెద్ద హీరోతో ఇలాంటి కథను చేయించి ఒప్పించడం సవాలే. అయితే బాలీవుడ్‌లో అక్షయ్‌ కుమార్‌ ఇలాంటి పని చేసి మెప్పించడం గమనార్హం.
Most Recommended Video
‘బాహుబలి’ కి ఉన్న ఈ 10 అడ్వాంటేజ్ లు ‘ఆర్.ఆర్.ఆర్’ కు లేవట..!
‘ఆర్.ఆర్.ఆర్’ మూవీ గురించి ఈ 11 ఇంట్రెస్టింగ్ విషయాలు మీకు తెలుసా?
‘పుష్ప’ తో పాటు బుల్లితెర పై రికార్డ్ టి.ఆర్.పి లు నమోదు చేసిన 10 సినిమాల లిస్ట్…?
