ప్రశాంత్ నీల్ దర్శకత్వంలో ‘హోంబెల్ ఫిలిమ్స్’ బ్యానర్ పై నిర్మితమవుతున్న భారీ యాక్షన్ ఎంటర్టైనర్ మూవీ ‘సలార్’. యంగ్ రెబల్ స్టార్ ప్రభాస్ హీరోగా నటిస్తున్న ఈ చిత్రాన్ని పాన్ ఇండియా లెవల్లో రూపొందిస్తున్నారు. ఇప్పటికే చాలా వరకు చిత్రీకరణ పూర్తయింది.సెకండ్ వేవ్ ఎఫెక్ట్ లేకపోతే ఈ పాటికి 50 శాతం చిత్రీకరణ పూర్తయ్యేది.’బాహుబలి’ తర్వాత ‘సాహో’ వంటి యాక్షన్ ఎంటర్టైనర్ లో ప్రభాస్ నటించినప్పటికీ..ఎన్నో అంచనాల నడుమ విడుదలైన ఆ చిత్రం ప్రేక్షకులతో పాటు అభిమానులను కూడా నిరాశపరిచింది.
అటు తర్వాత ‘రాధే శ్యామ్’ అనే లవ్ స్టోరీ, ‘ఆదిపురుష్’ అనే మైథిలాజికల్ మూవీలో ప్రభాస్ నటిస్తున్నాడు. దాంతో ప్రభాస్ అభిమానులకు ఫుల్ ఫీస్ట్ ఇచ్చేది ప్రశాంత్ నీల్ డైరెక్షన్ లో చేస్తున్న ‘సలార్’ తోనే అని చిత్ర యూనిట్ సభ్యులు ఆశాభావం వ్యక్తం చేస్తున్నారు. ఇక ఈ చిత్రం షూటింగ్ అప్డేట్ విషయానికి వస్తే అప్పుడే ఇంటర్వెల్ సీన్లను చిత్రీకరించే వరకు వెళ్లిందని తాజా సమాచారం.ఇందుకోసం హైదరాబాద్ లోని రామోజీ ఫిల్మ్ సిటీలో ప్రత్యేకమైన సెట్స్ కూడా వచ్చినట్లు తెలుస్తుంది.
ఇందులో భాగంగా కొన్ని యాక్షన్ షాట్స్ తో పాటు ప్రభాస్ పై షోలో షాట్స్ కూడా చిత్రీకరిస్తారని తెలుస్తుంది. ఈ సీక్వెన్స్ సినిమాకే హైలెట్ గా నిలుస్తుంది అని చిత్ర యూనిట్ సభ్యులు చెప్పుకొస్తున్నారు.రూ.250 కోట్ల భారీ బడ్జెట్ తో నిర్మితమవుతున్న ఈ చిత్రంలో శృతీ హాసన్ హీరోయిన్ గా నటిస్తుండడం విశేషం.
Most Recommended Video
పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్
