Premikudu Re-Release: రీరిలీజ్‌ ట్రెండ్‌.. ఆ సినిమాలో పాటలకు థియేటర్లు ఊగడం పక్కా!

రీరిలీజ్‌ ట్రెండ్‌ ఇప్పుడు ఫుల్‌జోష్‌లో రన్‌ అవుతోంది. స్టార్‌ హీరోల సినిమాలు మరోసారి థియేటర్లలోకి తీసుకొచ్చి సందడి చేస్తున్నారు. అభిమానులు కూడా ఆ సినిమాలకు భారీగా తరలివచ్చి అదిరిపోయే విజయాలు అందిస్తున్నారు. వాటిలో మీరు కామన్‌గా ఉన్న పాయింట్‌ గమనిస్తే.. ఆ సినిమాలోని హిట్‌పాటలకు థియేటర్లు దద్దరిల్లిపోతుంటాయి. ఆ పాటలను ప్రేక్షకులు అందరూ కలసి ఒకేసారి పాడటం, ఆ వీడియోలు సోషల్‌ మీడియాలో వైరల్‌ అవ్వడం మీరు చూసే ఉంటారు.

Premikudu Re-Release:

ఇప్పటివరకు వచ్చిన సినిమాలు, వాటి స్క్రీనింగ్‌ అయినప్పుడు తీసిన వీడియోలు ఎంతగా వైరల్‌ అయ్యాయో తెలియదు కానీ.. ఇప్పుడు ఓ సినిమా రాబోతోంది. ఆ సినిమా స్క్రీనింగ్‌ సమయంలో పాటలు వచ్చినప్పుడు థియేటర్లలో జరిగే సందడికి సంబంధించిన వీడియోలు మామూలుగా వైరల్‌ అవ్వవు. ఆ సినిమా పేరు చెబితే మీరు కూడా మా మాటకు ఎస్‌ చెబుతారు. ఎందుకంటే ఆ సినిమా పేరు ‘ప్రేమికుడు’ (Premikudu). ఇప్పుడు మీకు గుర్తొచ్చే ఉంటాయి ఆ సినిమా పాటలు.

శంకర్ (Shankar) దర్శకత్వంలో ప్రభుదేవా (Prabhu Deva) – నగ్మ (Nagma) ప్రధాన పాత్రల్లో రూపొందిన చిత్రమిఒది. ఏ.ఆర్.రెహమాన్ (A.R.Rahman) సంగీతం అందించిన ఆ సినిమాలో ఎంత కామెడీ ఉందో, అంతే మంచి ప్రేమకథ ఉంది. ఇక పాటల సంగతి అయితే ప్రత్యేకంగా చెప్పక్కర్లేదు. 30 సంవత్సరాల క్రితం వచ్చిన ఈ సినిమాను (Premikudu) సెప్టెంబర్ 13న రీరిలీజ్ అవుతోంది. ‘అందమైన ప్రేమ రాణి చెయ్యి తగిలితే..’, ‘ముక్కాలా ముకాబులా..’, ‘మండపేట నాయుడు పేట..’, ‘టేకిట్ ఈజీ పాలసీ..’, ‘ఓ చెలియా నా ప్రియ సఖియా..’ ఇలా అన్నీ సూపర్‌ హిట్‌సాంగ్సే.

ఇప్పుడు ఈ పాటల్ని థియేటర్లలో రీరిలీజ్‌ చేసినప్పుడు చూస్తే కుర్రకారు ఉత్సాహంతో ఊగిపోతారు. ఆ సందడికి థియేటర్లు ఊగిపోవడం సహజమే కదా. మాకు తెలిసి మీరు కూడా ఆ సినిమాకు (Premikudu), ఆ పాటలకు ఫ్యాన్సే. మరి సెప్టెంబరు 13 కోసం రెడీ అయిపోండి మరి.

సినీ పరిశ్రమలో తీవ్ర విషాదం.. ప్రముఖ నటుడు కన్నుమూత!