సాధారణంగా బాలకృష్ణ సినిమాలలో హీరోయిన్ పాత్రలకు పెద్దగా ప్రాధాన్యత ఉండదనే సంగతి తెలిసిందే. బోయపాటి శ్రీను బాలకృష్ణ కాంబినేషన్ లో సింహా, లెజెండ్ సినిమాలు తెరకెక్కగా ఆ సినిమాలలో హీరోయిన్ పాత్రలకు ఎక్కువగా ప్రాధాన్యత లేదు. అఖండ సినిమాలో హీరోయిన్లుగా ప్రగ్యా జైస్వాల్, పూర్ణ నటిస్తుండగా ప్రగ్యా జైస్వాల్ ఈ సినిమాపైనే ఆశలు పెట్టుకున్నారు. కంచె సినిమాతో గుర్తింపును సంపాదించుకున్న ప్రగ్యా జైస్వాల్ కు ఆ సినిమా మినహా నటించిన ఏ సినిమా కూడా పెద్దగా గుర్తింపు తెచ్చిపెట్టలేదు.
అందం, అభినయం ఉన్నా ఈ బ్యూటీకి స్టార్ హీరోల సినిమాల్లో పెద్దగా అవకాశాలు రాలేదు. తెలుగులో ప్రగ్యా జైస్వాల్ నటించిన సినిమాలలో హిట్టైన సినిమాల కంటే ఫ్లాపైన సినిమాలే ఎక్కువగా ఉన్నాయి. అఖండ సినిమా హిట్టైనా పూర్ణ మళ్లీ హీరోయిన్ ఆఫర్లతో బిజీ కావడం సులభం కాదు. ప్రగ్యా జైస్వాల్ కు మాత్రం ఈ సినిమా సక్సెస్ అయితే సినిమా ఆఫర్లు మరింత పెరిగే అవకాశాలు అయితే ఉన్నాయి. మరి బోయపాటి శ్రీను ఈ సినిమా ద్వారా ప్రగ్యాకు సక్సెస్ తో పాటు మరిన్ని ఆఫర్లు వచ్చేలా చేస్తారా..? లేదా..? తెలియాలంటే మరికొన్ని రోజులు ఆగాల్సిందే.
తాజా షెడ్యూల్ లో దర్శకుడు బోయపాటి శ్రీను బాలకృష్ణ ప్రగ్యా జైస్వాల్ మధ్య కీలక సన్నివేశాలను చిత్రీకరించారు. ఇప్పటికే పలు సినిమాల రిలీజ్ డేట్లు వాయిదా పడటంతో అఖండ రిలీజ్ డేట్ కూడా మారే అవకాశాలు అయితే ఉన్నాయని ఇండస్ట్రీ వర్గాల్లో వినిపిస్తోంది. మరోవైపు అఖండ మూవీ కేవలం 17 రోజుల్లో 50 మిలియన్ల వ్యూస్ మార్క్ ని క్రాస్ చేసి కొత్త రికార్డులను క్రియేట్ చేసింది. ఈ సినిమాతో సక్సెస్ సాధిస్తానని బాలకృష్ణ కూడా నమ్మకంతో ఉన్నారు. బాలయ్య నమ్మకాన్ని అఖండ నిజం చేస్తుందో లేదో చూడాల్సి ఉంది.
Most Recommended Video
ధూమపానం మానేసి ఫ్యాన్స్ ని ఇన్స్పైర్ చేసిన 10 మంది హీరోల లిస్ట్..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
ఈ 12 మంది డైరెక్టర్లు మొదటి సినిమాతో కంటే కూడా రెండో సినిమాతోనే హిట్లు కొట్టారు..!
