Prakash Raj, Varanasi: వారణాసిలో తన క్యారెక్టర్ పై క్లారిటీ ఇచ్చిన ప్రకాష్ రాజ్

February 17, 2026 / 01:07 PM ISTByDheeraj Babu

Join Us

ఇప్పుడు ప్రపంచ సినీ అభిమానులు మొత్తం తెలుగు సినిమావైపు ఆసక్తి చూపించేలా చేస్తున్న సినిమా వారణాసి. రాజమౌళి కెరీర్ లో మాత్రమే కాకుండా తెలుగు సినిమా చరిత్రలో మునుపెన్నడూ చూడని బడ్జెట్ తో తెరకెక్కుతున్న ఈ సినిమా ఫస్ట్ లుక్ నుంచే అంచనాలను సృష్టించింది. ఇక రీసెంట్ గా విడుదలైన హాలీవుడ్ ఇంటర్వ్యూలు సినిమాని మరింత మందికి చేరువ చేశాయి. మహేష్ బాబు, ప్రియాంక చోప్రా, పృథ్వీరాజ్ సుకుమారన్ వంటి ఆర్టిస్టులతోపాటు ప్రకాష్ రాజ్ కూడా ఈ చిత్రంలో కీలకపాత్ర పోషిస్తున్నాడని వార్త తెలిసిందే.

Prakash Raj, Varanasi

అయితే.. తన పాత్ర ఎలా ఉండబోతోంది అనే విషయంలో క్లారిటీ ఇచ్చాడు ప్రకాష్ రాజ్. ఇప్పటివరకు రాజమౌళి తెరకెక్కించిన సినిమాల్లో “విక్రమార్కుడు”లో మాత్రమే కనిపించాడు ప్రకాష్ రాజ్, అది కూడా అతిథి పాత్ర. అలాంటిది మొదటిసారి రాజమౌళి సినిమాలో కీలకపాత్ర పోషిస్తున్నాడు. మహేష్ కి తండ్రిగా లేదా మహేష్ సినిమాలో నటించడం ప్రకాష్ రాజ్ కి కొత్తేం కాదు. మహేష్ తో ఆల్మోస్ట్ అన్నీ సినిమాల్లోనూ ప్రకాష్ రాజ్ నటించాడు.

“మురారి, ఒక్కడు, నిజం, అర్జున్, అతడు, పోకిరి, సైనికుడు, ఖలేజా, దూకుడు, బిజినెస్ మ్యాన్, సీతమ్మ వాకిట్లో సిరిమల్లె చెట్టు, భరత్ అనే నేను, మహర్షి, సరిలేరు నీకెవ్వరు, గుంటూరు కారం” వంటి సినిమాలన్నిట్లో ప్రకాష్ రాజ్ కీలకపాత్ర పోషించాడు. ఇప్పుడు వారణాసిలోనూ మహేష్ తండ్రిగా మరోసారి కనిపించనున్నాడు. “వారణాసి” చిత్రంలో మహేష్ తండ్రిగా మాత్రమే కాక, శివుడి పరమ భక్తుడిగా కనిపించనున్నానని ప్రకాష్ రాజ్ కన్ఫర్మ్ చేశారు. నిజజీవితంలో ప్రకాష్ రాజ్ దేవుడిని నమ్మడు అనేది అందరికీ తెలిసిందే.

Prakash Raj clarifies about his role in Varanasi

ఇకపోతే.. వారణాసి బడ్జెట్ దాదాపు 1400 కోట్ల రూపాయలని, ఎక్కువ శాతం గ్రాఫిక్స్ కే ఖర్చు అవుతుందని, నటీనటుల రెమ్యూనరేషన్లు తక్కువే అనే తెలుస్తోంది. ఈమధ్యకాలంలో తెలుగులో రెమ్యూనరేషన్ కంటే ప్రొడక్షన్ బడ్జెట్ ఎక్కువ అవ్వడం అనేది “వారణాసి” సినిమాలోనే జరగబోతోంది.