Prashanth Varma: ఆ లిస్ట్ లో చోటు సంపాదించుకున్న ప్రశాంత్ వర్మ

గత నెలలో ‘సలార్’ సినిమా రిలీజ్ అయ్యింది. డిసెంబర్ 22న రిలీజ్ అయిన ఈ సినిమా సక్సెస్ అందుకుంది. ప్రశాంత్ నీల్ .. ప్రభాస్ ఇమేజ్ కి తగ్గ సినిమా చేసి అభిమానుల ఆకలి తీర్చాడు అని అంతా ప్రశంసించారు. ‘సలార్’ సినిమా తెలుగులో మాత్రమే కాదు.. నార్త్ లో కూడా సూపర్ సక్సెస్ అందుకుంది. షారుఖ్ ఖాన్ ‘డంకీ’ సినిమా పోటీగా ఉన్నప్పటికీ కూడా ‘సలార్’ మంచి విజయాన్ని సొంతం చేసుకుంది.

దీంతో నార్త్ లో ప్రశాంత్ నీల్ మార్కెట్ మరింతగా పెరిగింది అని చెప్పాలి. ‘సలార్ 2’ సినిమాకి అక్కడ భారీ బిజినెస్ జరిగే అవకాశాలు కూడా పుష్కలంగా ఉన్నాయి. అంతకు ముందు ‘కె.జి.ఎఫ్'(సిరీస్) కూడా సూపర్ సక్సెస్ అందుకున్న సంగతి తెలిసిందే. ఇప్పుడు ఇంకో ప్రశాంత్ కూడా నార్త్ లో సత్తా చాటడానికి రెడీ అయిపోయాడు. అతనే (Prashanth Varma) ప్రశాంత్ వర్మ. ‘హనుమాన్’ సినిమా హిందీలో కూడా పెద్ద ఎత్తున రిలీజ్ కాబోతుంది.

‘హను-మాన్’ టీజర్, ట్రైలర్..లలో ఉన్న విజువల్స్ కి అంతా స్టన్ అయిపోయారు అనే చెప్పాలి. నార్త్ ఆడియన్స్.. డివోషనల్ టచ్ ఉన్న సినిమాలను అమితంగా ఇష్టపడుతున్నారు. కాబట్టి.. ప్రశాంత్ వర్మ ఖాతాలో అక్కడ మొదటి హిట్ పడే అవకాశాలు ఎక్కువే ఉన్నాయి అని చెప్పాలి. ఇప్పుడున్న ఊపు చూస్తుంటే.. ఈ సినిమా ‘కార్తికేయ 2’ ..లా రూ.50 కోట్లు కలెక్ట్ చేసినా ఆశ్చర్యపోనవసరం లేదు. అంతేకాదు ‘జై హనుమాన్’ పై కూడా భారీ అంచనాలు ఏర్పడే అవకాశం ఉంది.

గుంటూరు కారం సినిమా రివ్యూ & రేటింగ్!

హను మాన్ సినిమా రివ్యూ & రేటింగ్!
‘గుంటూరు కారం’ తో పాటు 24 గంటల్లో రికార్డులు కొల్లగొట్టిన 15 ట్రైలర్ల లిస్ట్..!