Salaar: సలార్’ నుండి ఇంకో పాట వచ్చేసింది.. ఎలా ఉందంటే?

December 21, 2023 / 05:03 PM ISTByFilmy Focus

Join Us

Salaar: సలార్’ నుండి ఇంకో పాట వచ్చేసింది.. ఎలా ఉందంటే?

‘బాహుబలి’ హీరో ప్రభాస్, ‘కె.జి.ఎఫ్’ దర్శకుడు ప్రశాంత్ నీల్ కాంబినేషన్లో రూపొందిన మూవీ ‘సలార్’. రెండు భాగాలుగా తెరకెక్కుతున్న ఈ సినిమా మొదటి భాగం ‘సలార్ పార్ట్ 1 : సీజ్ ఫైర్ ‘ పేరుతో మరికొన్ని గంటల్లో అంటే డిసెంబర్ 22న రిలీజ్ కాబోతుంది. టీజర్, ట్రైలర్స్ పర్వాలేదు అనిపించాయి. డిసెంబర్ 22 న ఈ మూవీ రిలీజ్ కాబోతుంది. తాజాగా ‘సలార్ పార్ట్ 1 : సీజ్ ఫైర్ ‘ నుండి ‘సూరీడే’ అనే లిరికల్ సాంగ్ రిలీజయ్యింది.

అది పెద్దగా ఇంపాక్ట్ క్రియేట్ చేయలేదు కానీ ఓకే అనిపించింది. ఇక సినిమా (Salaar) రిలీజ్ కి 24 గంటల టైం కూడా లేని ఈ తరుణంలో చిత్ర బృందం మరో పాట రిలీజ్ చేసింది. ‘ప్రతి కథలో రాక్షసుడే హింసలు పెడతాడు.. అణచగానే పుడతాడు రాజే ఒకడు’ అంటూ సాగే ఈ పాట 3 నిమిషాల 30 సెకన్ల నిడివి కలిగి ఉంది. ఈ పాట బ్యాక్ డ్రాప్ ఎలా ఉంటుంది అనేది కూడా చూపించడం జరిగింది.హీరో ప్రభాస్ బైక్ పై స్టైలిష్ గా రావడం వంటివి చూపించారు.

ఆమె తల్లిగా ఈశ్వరిరావు ఆవేదనను తెలుపుతూ ఎమోషనల్ గా సాగింది ఈ పాట. ఇందులో ఆమె స్కూల్ టీచర్ గా కనిపించనుంది. అలాగే ఇంకా కొన్ని షాట్స్ లో హీరోయిన్ ని కూడా చూపించారు. రవి బస్రూర్ అందించిన ట్యూన్ ఓకే. కృష్ణకాంత్ లిరిక్స్ విషయానికి వస్తే స్టార్టింగ్ లోనే తప్పు ఉన్నట్టు అనిపిస్తుంది. ‘ప్రతి కథలో’ కి బదులుగా ‘ప్రతి గాథలో’ అని పెట్టినట్టు అనిపిస్తుంది. లిరికల్ సాంగ్ ని మీరు కూడా ఒకసారి చూస్తూ వినెయ్యండి :