Mamitha Baiju: చరణ్, బన్నీ అంటే అంత అభిమానం.. ప్రేమలు బ్యూటీ కామెంట్స్ వైరల్!

ప్రేమలు (Premalu) సినిమాతో తెలుగు రాష్ట్రాల్లో మమితా బైజు (Mamitha Baiju) పేరు మారుమ్రోగిందనే సంగతి తెలిసిందే. మమితా బైజు తాజాగా ఒక ఇంటర్వ్యూలో టాలీవుడ్ స్టార్స్ గురించి చేసిన కామెంట్స్ నెట్టింట హాట్ టాపిక్ అవుతున్నాయి. చరణ్ (Ram Charan) , బన్నీ (Allu Arjun) అంటే ఈ బ్యూటీకి ఇంత అభిమానమా అని మమితా బైజు చెప్పిన కామెంట్లు విన్న అభిమానులు అభిప్రాయపడుతున్నారు. నా అసలు పేరు నమిత అని ఆస్పత్రి సిబ్బంది బర్త్ సర్టిఫికెట్ లో పొరపాటున మమిత అని ఎంట్రీ చేశారని ఆమె తెలిపారు.

స్కూల్ లో జాయిన్ చేసే సమయంలో ఆ తప్పును పేరెంట్స్ గుర్తించినా పేరు కొత్తగా ఉందని భావించి ఆ పేరునే కొనసాగించారని ఆమె తెలిపారు. మమిత అంటే మిఠాయి అని అర్థం వస్తుందని మమితా బైజు చెప్పుకొచ్చారు. ప్రేమలు నా 16వ సినిమా అని చెప్పి ఈ బ్యూటీ అభిమానులకు ఒకింత షాకిచ్చారు. తెలుగులో కూడా ఈ బ్యూటీకి ఆఫర్లు వస్తున్నా ఆ ప్రాజెక్ట్స్ గురించి అధికారికంగా క్లారిటీ రావాల్సి ఉందని తెలుస్తోంది.

తెలుగు సినిమాలు అంటే నాకు చాలా ఇష్టమని ఈ బ్యూటీ తెలిపారు. మమితా బైజు గతంలో నటించిన పలు సినిమాలు తెలుగులో డబ్ అయ్యి ఓటీటీలలో రిలీజ్ అవుతున్నాయి. మగధీర (Magadheera) సినిమాను తాను 50సార్లు చూశానని ఆమె తెలిపారు. మలయాళంలో ధీర పేరుతో ఈ సినిమా డబ్ అయిందని మమితా బైజు అన్నారు. ఈగ (Eega) సినిమా అంటే కూడా ఎంతో ఇష్టమని ఆ సినిమాను ఎన్నిసార్లు చూశానో లెక్క లేదని మమితా బైజు తెలిపారు.

బన్నీకి నేను వీరాభిమానినని బన్నీ నటించిన ప్రతి సినిమాను నేను పది కంటే ఎక్కువసార్లు చూశానని ఆమె వెల్లడించారు. ఇప్పటికీ బోర్ కొడితే బన్నీ సినిమాలు చూస్తానని ఆమె పేర్కొన్నారు. జులాయి (Julayi), ఇద్దరమ్మాయిలతో (Iddarammayilatho) సినిమాల్లో బన్నీ క్యాసియో వాచ్ ధరించడం చూశాక నాకు వాటిపై మక్కువ పెరిగిందని మమితా బైజు అన్నారు. స్కూల్ లో చదివే సమయంలో బన్నీ డ్రెస్సింగ్ స్టైల్ ను అనుకరించారని ఆమె తెలిపారు. టామ్ బాయ్ లా స్కూల్ కు వెళ్లేదాన్నని మమితా బైజు వెల్లడించారు.