రంగస్థలం సక్సస్ మీట్ కి భారీగా ఏర్పాట్లు

‘పల్లెటూరి నేపథ్యంలో ఎన్నో సినిమాలు వచ్చాయి. ఇది చాలా ప్యూర్‌ సినిమా. సుకుమార్‌ ఎలా చెప్పాడో అలాగే తీశాడు. పల్లె మనస్తత్వాలను బాగా చిత్రీకరించాడు. స్టార్టింగ్‌ నుంచి ఎండ్‌వరకు ఎంజాయ్‌ చేశాను. ఇది చరణ్‌కు స్టార్‌ స్టేటస్‌ను పెంచి నటుడిగా ఇంకో మెట్టు ఎక్కించే సినిమా.’ అని మెగాస్టార్ చిరంజీవి రంగస్థలం గురించి ప్రీ రిలీజ్ వేడుకలో చెప్పారు. అతను ఫీలయినట్టే ప్రతి ప్రేక్షకుడు రంగస్థలం సినిమాని ఎంజాయ్ చేసారు. సుకుమార్ దర్శకత్వంలో తెరకెక్కిన ఈ మూవీ బ్లాక్ బస్టర్ హిట్ సాధించింది. సమంత హీరోయిన్ గా నటించిన ఈ చిత్రం పదిరోజుల్లో ప్రపంచవ్యాప్తంగా 93.35 కోట్ల షేర్ రాబట్టింది. వందకోట్ల షేర్ మార్క్ కి అతిదగ్గర్లోనే ఉంది.

ఈ మార్క్ క్రాస్ చేస్తున్న సందర్భంగా సక్సస్ మీట్ నిర్వహించడానికి చిత్ర బృందం ప్లాన్ చేస్తోంది. హైదరాబాద్ లోని సంధ్య కన్వెన్షన్ సెంటర్ లో జరపాలని భావిస్తున్నారు. గురువారం (ఏప్రిల్ 12 ) జరగనున్న ఈ వేడుకకు ముఖ్యఅథిధులుగా మెగా స్టార్ చిరంజీవి, పవర్ స్టార్ పవన్ కళ్యాణ్ హాజరుకానుండడంతో అభిమానులు పెద్ద ఎత్తున తరలి వచ్చే అవకాశం ఉంది. తేదీ, వేదిక వివరాలను త్వరలో చిత్ర బృందం అధికారికంగా ప్రకటించనుంది.