Salaar: ప్రభాస్‌ సినిమాపై పృథ్వీరాజ్‌ కామెంట్స్‌ వైరల్‌!

‘ఆదిపురుష్‌’ టీజర్‌ దెబ్బకు ప్రభాస్‌ ఫ్యాన్స్‌ ఉత్సాహం నీరుగారిపోయింది. ఈ మాట వినడానికి కాస్త హార్ష్‌గా అనిపించినా.. ప్రస్తుత పరిస్థితి ఇదే అంటున్నారు నెటిజన్లు. ఆ సినిమా విషయంలో ఎన్నో అంచనాలు పెట్టుకుని.. అప్‌డేట్స్‌ కోసం చాలా రోజులుగా ఎదురుచూశారు. తీరా ఆ రోజు రానే వచ్చింది. ఇంకేముంది టీజర్‌ కోసం వెయిట్‌ చేసీ చేసీ చూశారు. ఆ తర్వాత ఏమైందో తర్వాత మాట్లాడదాం. అయితే ‘సలార్‌’ మాత్రం కచ్చితంగా అభిమానులను అలరించే సినిమానే అవుతుంది అంటున్నాడు పృథ్వీరాజ్‌ సుకుమారన్‌.

‘సలార్‌’ సినిమాలో పృథ్వీరాజ్‌ సుకుమారన్‌ కీలక పాత్ర చేస్తున్న విషయం తెలిసిందే. ఈ సినిమాలో పృథ్వీరాజ్‌ లుక్‌ను చిత్రబృందం ఇటీవల విడుదల చేసింది. పృథ్వీరాజ్‌ పుట్టిన రోజు సందర్భంగా వచ్చిన ఆ ‘మసి’ లుక్‌కు మంచి స్పందనే వచ్చింది. అయితే ఈ సినిమా గురించి ఆయన మీడియాతో మాట్లాడుతూ అభిమానులకు వీనులవిందైన అప్‌డేట్‌ అందించాడు. దీంతో డార్లింగ్‌ ఫ్యాన్స్‌ ఫుల్‌ ఖుష్‌లో ఉన్నారు అని చెప్పొచ్చు. ‘కేజీయఫ్‌’ చిత్రాల దర్శకుడు ప్రశాంత్‌ నీల్‌ దర్శకత్వంలో ‘సలార్‌’ రూపొందుతున్న విషయం తెలిసిందే.

ఈ సినిమా విషయంలో ప్ర‌భాస్ అభిమానులు గుండెల మీద చేయి వేసుకుని హ్యాపీగా ఉండొచ్చ‌నే సంకేతాలు ఇచ్చాడు పృథ్వీరాజ్ సుకుమార‌న్. ‘బాహుబ‌లి’ సినిమాల త‌ర్వాత ప్ర‌భాస్ మాస్,యాక్ష‌న్, క‌మ‌ర్షియ‌ల్ అంశాలకు కాస్త దూరమయ్యాడు అని పృథ్వీరాజ్‌ సుకుమారన్‌ అభిప్రాయ‌ప‌డ్డాడు. అయితే తమ కాంబినేషన్‌లో వస్తున్న ‘స‌లార్’ పూర్తి స్థాయి యాక్ష‌న్, మాస్ ఎంటర్‌టైనర్‌ గుర్తు చేశాడు. ప్ర‌భాస్‌ను అభిమానులు ఎలా చూడాల‌నుకుంటారో అలా ఈ సినిమాలో క‌నిపిస్తాడ‌ని చెప్పుకొచ్చాడు. సినిమా చేస్తున్నది ప్రశాంత్‌ నీల్‌ కాబట్టి.. ఎలివేష‌న్లు, మాస్ అంశాల‌కు కొదవ ఉండ‌ద‌ని చెప్పాడు.

అయితే ఇవేవీ కొత్త విషయాలు కావు. ప్రశాంత్‌ సినిమా అంటే అలానే ఉంటుంది. గత చిత్రాలన్నీ అలాంటివే. అయితే ‘ఆదిపురుష్‌’ దిగాలుతో ఉన్న ఫ్యాన్స్‌కి.. పృథ్వీరాజ్‌ సుకుమారన్‌ మాటలు కచ్చితంగా కిక్‌ ఇచ్చేవే. ఇక ఈ సినిమా విషయానికొస్తే వచ్చే ఏడాది సెప్టెంబరు 28న విడుదల చేస్తారు. ఈ సినిమా రెండు భాగాలుగా వస్తుందని వార్తలొస్తున్నా.. చిత్రబృందం ఇప్పటివరకు ఎక్కడా ప్రకటించలేదు. అలాగే ఇది ప్రశాంత్‌ నీల్‌ సినిమాటిక్‌ యూనివర్స్‌ కిందకు వస్తుందా లేదా అనేది కూడా చెప్పాల్సి ఉంది.

కాంతార సినిమా రివ్యూ & రేటింగ్!

Most Recommended Video

ఎన్టీఆర్ – సావిత్రి టు చిరు- నయన్.. భార్యాభర్తలుగా చేసి కూడా బ్రదర్- సిస్టర్ గా చేసిన జంటలు..!
తన 44 ఏళ్ల కెరీర్లో చిరంజీవి రీమేక్ చేసిన సినిమాలు మరియు వాటి ఫలితాలు..!
సౌందర్య టు సమంత.. గర్భవతి పాత్రల్లో అలరించిన హీరోయిన్ల లిస్ట్..!